നിയമസഭ തെരഞ്ഞെടുപ്പ് ഫലത്തിന് പിന്നാലെ കോഴിക്കോട് വിവിധയിടങ്ങളില് ആക്രമണം. നരിക്കുനിയില് യുഡിഎഫ്- എല്ഡിഎഫ് പ്രവർത്തകർ തമ്മിലുണ്ടായ സംഘർഷത്തിനിടെ ഒരാള്ക്ക് കുത്തേറ്റു.യുഡിഎഫ് പ്രവർത്തകനായ രജീഷിനാണ് സംഘർഷത്തില് കുത്തേറ്റത്. ഇയാളെ മെഡിക്കല് കോളജിലേക്ക് മാറ്റി. തലയ്ക്കാണ് പരിക്കേറ്റതെന്നാണ് വിവരം.
സിപിഎം ബ്രാഞ്ച് സെക്രട്ടറി റിയാസ്, മുന് ലോക്കല് സെക്രട്ടറി കെ പി പ്രേംകുമാര് ഉള്പ്പടെ നാല് പേര്ക്കും മര്ദ്ദനമേറ്റു. മരുതോങ്കരയില് കെ എം അഭിജിത്തിന്റെ ആഹ്ലാദപ്രകടനത്തിനിടയിലും സംഘർഷമുണ്ടായി.നല്ലളത്ത് പി എ മുഹമ്മദ് റിയാസിന്റെ റോഡ് ഷോയ്ക്കിടെ യുഡിഎഫ് കൗണ്സിലർ മുല്ലവീട്ടില് ജാഹിഷ്, ബേപ്പൂർ ബ്ലോക്ക് കോണ്ഗ്രസ് വൈസ് പ്രസിഡന്റ് ഫാസിലിനും മർദ്ദനമേറ്റു.
ധർമടത്ത് കീഴത്തൂരിലും കോണ്ഗ്രസ് ഓഫിസിന് നേരെ ആക്രമണമുണ്ടായി. കീഴത്തൂരിലെ രാജീവ് ഭവനിലാണ് പുലർച്ചെ ആക്രമണമുണ്ടായത്. ജനല് ചില്ലും കൊടിമരവും ഫർണിച്ചറുകളും നശിപ്പിച്ചു.പിന്നില് സിപിഎം ആണെന്ന് കോണ്ഗ്രസ് ആരോപിച്ചു. ധര്മടത്ത് യുഡിഎഫ് സ്ഥാനാര്ഥി വി പി അബ്ദുള് റഷീദ് തെരഞ്ഞെടുപ്പിന്റെ ആദ്യ ഘട്ടത്തില് ലീഡെടുത്തിരുന്നു.
