ശബരിമല സ്വർണ്ണക്കൊള്ള കേസിൽ മുൻ ദേവസ്വം പ്രസിഡന്റ് എ പദ്മകുമാർ അറസ്റ്റില്. രഹസ്യ കേന്ദ്രത്തിലെ ചോദ്യം ചെയ്യലിനു ശേഷമാണ് പ്രത്യേക അന്വേഷണസംഘം എ പത്മകുമാറിന്റെ അറസ്റ്റ് രേഖപ്പെടുത്തിയത്. എസ്ഐടി തലവൻ എസ്പി ശശിധരൻ്റെ നേതൃത്വത്തിലാണ് ചോദ്യം ചെയ്യല് നടന്നത്. പിണറായി വിജയൻറെ വിശ്വസ്തനായിരുന്ന സിപിഎം പ്രതിനിധിയായി നിയമസഭയിൽ എത്തിയ പത്മകുമാർ കൂടി ശബരിമല സ്വർണ്ണയിൽ അറസ്റ്റിൽ ആകുന്നതോടെ ഈ വിഷയത്തിൽ സിപിഎം കൂടുതൽ പ്രതിരോധത്തിൽ ആകുകയാണ്. തദ്ദേശ തെരഞ്ഞെടുപ്പിന്റെ പാലത്തെ പോലും പത്മകുമാറിന്റെ അറസ്റ്റ് സ്വാധീനിച്ചേക്കാം.
സ്വർണക്കൊള്ള കേസില് ചോദ്യം ചെയ്യലിന് ഹാജരാകാനായി എ പത്മകുമാറിന് മുമ്ബ് രണ്ട് തവണ എസ്ഐടി നോട്ടിസ് നല്കിയിരുന്നു. എൻ വാസു അറസ്റ്റിലായതിന് പിന്നാലെയാണ് പത്മകുമാറിന് രണ്ടാമതും നോട്ടിസ് അയച്ചത്. എൻ വാസു ദേവസ്വം ബോർഡ് കമ്മിഷണറായിരിക്കെ പത്മകുമാറായിരുന്നു ദേവസ്വം ബോർഡ് അധ്യക്ഷൻ.
ഉണ്ണികൃഷ്ണൻ പോറ്റിക്ക് ഒത്താശ ചെയ്തത് പത്മകുമാറാണെന്നാണ് പ്രത്യേക അന്വേഷണ സംഘത്തിൻ്റെ വിലയിരുത്തല്. പോറ്റിയും പത്മകുമാറും തമ്മില് സാമ്ബത്തിക ഇടപാടുണ്ടായിരുന്നതായും എസ്ഐടിക്ക് സൂചന ലഭിച്ചിട്ടുണ്ട്. കേസില് കൂടുതല് തെളിവ് ശേഖരിക്കാനുള്ളതിനാലാണ് പത്മകുമാറിൻ്റെ ചോദ്യം ചെയ്യല് വൈകാൻ കാരണമായതെന്നാണ് അന്വേഷണ സംഘം പറയുന്നത്.
പത്മകുമാറിൻ്റെ ചോദ്യം ചെയ്യല് കേസ് അന്വേഷണത്തില് ഏറെ നിര്ണായകമാണ്. 2019ല് ശബരിമലയിലെ ദ്വാരപാലക ശില്പ്പത്തിലെ സ്വർണവും കട്ടിളപ്പാളികളും അറ്റകുറ്റപ്പണിക്കായി അഴിച്ച് കൊണ്ടുപോകുമ്ബോള് ദേവസ്വം ബോർഡ് പ്രസിഡൻ്റായിരുന്നത് എ പത്മകുമാർ ആയിരുന്നു. പത്മകുമാറിനെ കൂടാതെ ഉണ്ണികൃഷ്ണൻ പോറ്റി, ദേവസ്വം ബോര്ഡ് മുന് അഡ്മിനിസ്ട്രേറ്റീവ് ഓഫിസര് മുരാരി ബാബു, മുന് എക്സിക്യുട്ടീവ് ഓഫിസര് ഡി സുധീഷ്കുമാര്, മുന് ദേവസ്വം കമ്മിഷണറും അധ്യക്ഷനുമായിരുന്ന എൻ വാസു എന്നിവരാണ് ശബരിമല സ്വർണക്കൊള്ള കേസില് ഇതുവരെ അറസ്റ്റിലായത്.
