പാലായിൽ യുവാവും, ഭാര്യയും, കുഞ്ഞും ചേർന്നൊരുക്കിയ ചെണ്ടുമല്ലി തോട്ടം പരിചയപ്പെടുത്തി എംഎൽഎ മാണി സി കാപ്പന്റെ ഇൻസ്റ്റാഗ്രാം പോസ്റ്റ്; ഫോട്ടോഷൂട്ടിനും റീൽസ് ചിത്രീകരണത്തിനും എത്തുന്നത് നിരവധി പേർ: വിശദാംശങ്ങളും വീഡിയോ ദൃശ്യങ്ങളും വാർത്തയോടൊപ്പം

ഓണക്കാലത്ത് തമിഴ്നാട്ടിൽ നിന്ന് എത്തിക്കുന്ന പൂക്കളെക്കാൾ കുറഞ്ഞ വിലയിൽ അജിത്ത് തന്റെ കൃഷിയിടത്തിൽ നിന്ന് പൂക്കളം ഒരുക്കുവാനും അലങ്കാരത്തിനും ഉള്ള പൂക്കൾ ലഭ്യമാക്കുന്നുണ്ട്. അതുപോലെതന്നെ ആളുകൾക്ക് ഇവിടെയെത്തി സൗജന്യമായി റീൽ വീഡിയോ ഉൾപ്പെടെ ചിത്രീകരിക്കുവാനുള്ള സൗകര്യങ്ങളും ഈ യുവാവ് ഒരുക്കുന്നുണ്ട്. ധനസമ്പാദനത്തേക്കാൾ ഉപരിയായി വ്യത്യസ്തമായ ഒരു പരീക്ഷണം വിജയിപ്പിക്കുക എന്നതിലെ ചരിതാർത്ഥ്യമാണ് തന്നെ ഇതിലേക്ക് എത്തിച്ചതെന്നാണ് അജിത്ത് പറയുന്നത്.

കൃഷിഭവനിൽ നിന്ന് ഈ വർഷം സബ്സിഡി ലഭ്യമാക്കാം എന്ന് വാഗ്ദാനം ചെയ്തിട്ടുണ്ടെന്നും അജിത്ത് അറിയിക്കുന്നു. കഴിഞ്ഞവർഷം വാഴ കൃഷിക്ക് ഇടയിൽ ഇട കൃഷിയായി പൂക്കൾ നട്ടതിനാൽ ഭേദപ്പെട്ട ലാഭം ഉണ്ടായിരുന്നു എന്നും ഇത്തവണ പൂക്കൾ മാത്രമായി കൃഷി ചെയ്തിരിക്കുന്നത് കൊണ്ട് ഇത് എത്രമാത്രം ലാഭകരമാകുമെന്ന സംശയവും ഈ യുവാവിന് ഉണ്ട്. അജിത്തിന്റെ ഉദ്യമം സന്ദർശിക്കുവാനും ഇദ്ദേഹത്തിന് നിന്ന് പൂക്കൾ വാങ്ങുവാനും ചുവടെയുള്ള നമ്പറുകളിൽ ബന്ധപ്പെടാവുന്നതാണ്. Mob: 9447302247, 9656984069, 9400196572.