റെയില്വേ ട്രാക്കിലൂടെ യുവതി കാര് ഓടിച്ചതിനെ തുടര്ന്ന് ഏറെ നേരെ ട്രെയിന് ഗതാഗതം തടസ്സപ്പെട്ടു. ഹൈദരബാദിലെ ശങ്കര്പ്പള്ളിക്കടുത്തുള്ള റെയില്വേ ട്രാക്കിലൂടെയാണ് യുവതി എട്ടുകിലോമീറ്ററോളം ദൂരം കാര് ഓടിച്ചത്. സംഭവത്തില് യുവതിക്കെതിരെ കേസ് എടുത്തതായി പൊലീസ് പറഞ്ഞു.
34കാരിയായ വോമിക സോണി ഉത്തര് പ്രദേശുകാരിയാണ്. ട്രാക്കിലൂടെ കാര് ഓടിക്കുന്നത് കണ്ട് റെയില്വേ ജീവനക്കാര് യുവതിയെ തടയാന് ശ്രമിച്ചെങ്കിലും ഇവര് ട്രാക്കിലൂടെ വാഹനം ഓടിക്കുകയായിരുന്നു. ഇതിന്റെ വീഡിയോ സാമൂഹിക മാധ്യമങ്ങളില് വ്യാപകമായി പ്രചരിച്ചു. കാര് നിര്ത്തിയ യുവതി നാട്ടുകാരെയും പൊലീസുകാരെയും കല്ലെറിയുകയും ചെയ്തു.
A woman Ravika Sony (lucknow)was spotted driving her car on a railway track from Shakarpalli to Hyderabad allegedly for reels . Railway staff had to halt trains to avoid accidents . She drove vehicle on tracks for 7kms. She worked in a software company … Youth need to be… pic.twitter.com/q4RVT1y4vu
— Dr Srinubabu Gedela (@DrSrinubabu) June 26, 2025
കസ്റ്റഡിയിലെടുത്ത യുവതിയെ വൈദ്യപരിശോധനയ്ക്ക് അയച്ചതായും വോമികയ്ക്ക് മാനസിക പ്രശ്നങ്ങളുള്ളതായി സംശയിക്കുന്നതായും പൊലീസ് പറഞ്ഞു. ഐടി ജീവനക്കാരിയാണ് യുവതി, സംഭവത്തില് യുവതിക്കെതിരെ റെയില്വേ പൊലീസ് കേസ് എടക്കുമെന്നും അധികൃതര് അറിയിച്ചു. യുവതിയുടെ കാര് ഓടിക്കലിനെ തുടര്ന്ന് രണ്ട് ഗുഡ്സ് ട്രെയിനുകളും രണ്ട് പാസഞ്ചര് ട്രെയിനുകളും അരമണിക്കൂറോളം നേരം തടസ്സപ്പെട്ടതായി റെയില്വേ അധികൃതര് അറിയിച്ചു.
