തെന്നിന്ത്യൻ സിനിമയില് നിലവിലെ ചർച്ചാവിഷയം ദളപതി വിജയ്യും നടി തൃഷയുമാണ്. കഴിഞ്ഞ രണ്ടു വർഷത്തിനിടെയാണ് ഇരുവരും പ്രണയത്തിലാണെന്ന തരത്തിലുള്ള ഗോസിപ്പുകള് ശക്തി പ്രാപിച്ചത്. ഗോസിപ്പുകള്ക്ക് ആക്കം കൂട്ടുന്ന തരത്തിലുള്ള ചില പ്രവർത്തികള് തൃഷയുടെ ഭാഗത്തുനിന്നും ഉണ്ടായതോടെ അഭ്യൂഹങ്ങള് വീണ്ടും ശക്തമായി.
വിജയ്യുടെ പിറന്നാളിന് ആശംസകള് നേർന്നു കൊണ്ട് കഴിഞ്ഞ വർഷം നടി പങ്കുവെച്ചത് താരത്തിനൊപ്പം ലിഫ്റ്റില് നിന്ന് പകർത്തിയ ചിത്രമാണെങ്കില്, ഇത്തവണ തന്നെ കാണാൻ എത്തിയ വിജയ്യുടെ ഒരു കാൻഡിഡ് ചിത്രമാണ് തൃഷ പങ്കുവെച്ചത്.’ഏറ്റവും മികച്ചയാള്’ എന്ന ക്യാപ്ഷ്യനോടെ പങ്കുവെച്ച ഈ ചിത്രം നിമിഷങ്ങള്ക്കകം വൈറലായി.
ഈ പോസ്റ്റിന് താഴെ വിജയ്-സംഗീത ദാമ്ബത്യം തകരാൻ കാരണക്കാരി തൃഷയാണ് എന്ന തരത്തിലുള്ള കമന്റുകള് നിരവധിയാണ്. ഇത്തരം ചിത്രങ്ങള് നടന്റെ രാഷ്ട്രീയ ഭാവിയെ ബാധിക്കുമെന്നും ചില കമന്റുകളുണ്ട്. പിറന്നാള് പോസ്റ്റ് വൈറലായതോടെ ഇപ്പോഴിതാ പുതിയ ഇൻസ്റ്റഗ്രാം സ്റ്റോറിയുമായി രംഗത്ത് എത്തിയിരിക്കുകയാണ് തൃഷ. “നിങ്ങള് സ്നേഹത്താല് നിറഞ്ഞിരിക്കുന്നത് കാണുമ്ബോള്, ഉള്ളില് അഴുക്കുനിറഞ്ഞിരിക്കുന്നവർ ആശയക്കുഴപ്പത്തിലാകും” എന്നായിരുന്നു നടിയുടെ ഇൻസ്റ്റാഗ്രാം സ്റ്റോറി. ഇതോടെ ഇരുവരും പ്രണയത്തിലെന്ന് പലരും ഉറപ്പിച്ചു.
ഗോസിപ്പുകള്ക്ക് വേണ്ടി തൃഷ കൂടുതല് കണ്ടന്റുകള് നല്കുകയാണ് എന്നാണ് ഒരു വിഭാഗം ആളുകള് അഭിപ്രായപ്പെടുന്നത്. കഴിഞ്ഞ ഏതാനും വർഷങ്ങളായി വിജയ്ക്കൊപ്പം ഭാര്യ സംഗീത പൊതുപരിപാടികളില് ഒന്നും പ്രത്യക്ഷപ്പെടാറില്ല. മക്കള്ക്കൊപ്പം വിദേശത്താണ് സംഗീത താമസമെന്നാണ് റിപ്പോർട്ട്. അതിനിടെ, മക്കളും വിജയ്യും തമ്മില് അകലുകയാണ് എന്ന തരത്തിലുള്ള അഭ്യൂഹങ്ങളും പ്രചരിക്കുന്നുണ്ട്.മകൻ ജെയ്സണ് സഞ്ജയ് വിജയ്യുടെ കൂടെയുള്ള ഫോട്ടോകള് സോഷ്യല് മീഡിയ അക്കൗണ്ടില് നിന്ന് നീക്കം ചെയ്തതായി ഫില്മിബീറ്റ് റിപ്പോർട്ട് ചെയ്യുന്നു.
സാധാരണയായി വിജയ്യുടെ പുതിയ സിനിമകളുടെ ഫസ്റ്റ്ലുക്ക് പോസ്റ്റർ ഷെയർ ചെയ്യാറുള്ള സഞ്ജയ് ‘ജനായകന്റെ’ പോസ്റ്റർ ഷെയർ ചെയ്തിരുന്നില്ല. കൂടാതെ, ജെയ്സണ് സഞ്ജയ് വിജയ്യെ സോഷ്യല് മീഡിയയില് ഫോളോ ചെയ്യുന്നുമില്ല. ഇതും പല അഭ്യൂഹങ്ങള്ക്കും വഴിവെച്ചിട്ടുണ്ട്. നിലവില് സംവിധാന രംഗത്തേക്ക് അരങ്ങേറാനുള്ള തയ്യാറെടുപ്പുകളിലാണ് ജെയ്സണ്.
