ചോറ്റാനിക്കരയില് വീട്ടിനുള്ളില് അവശനിലയില് 19കാരിയെ കണ്ടെത്തിയ സംഭവത്തില് പെണ്കുട്ടിയുടെ വീട്ടില് പരിശോധന നടത്തി പൊലീസ്.സംഭവത്തിലെ പ്രതിയെന്ന് സംശയിക്കുന്നയാളുടെ സിസിടിവി ദൃശ്യങ്ങള് ലഭിച്ചു. പ്രതിയെന്ന് സംശയിക്കുന്നയാള് സ്ഥിരമായി എത്താറുണ്ടെന്നും നാട്ടുകാർ വ്യക്തമാക്കുന്നു.
നാട്ടുകാരുമായി ഇയാള് വാക്കുതർക്കത്തില് ഏർപ്പെട്ടിരുന്നുവെന്നും പ്രദേശവാസികള് പറഞ്ഞു. ഞായറാഴ്ചയാണ് പെണ്കുട്ടിയെ അർധനഗ്നയായി അവശനിലയില് വീടിനുള്ളില് കണ്ടെത്തിയത്.കഴുത്തില് കയർ മുറുകി പരിക്കേറ്റ നിലയിലായിരുന്നു പെണ്കുട്ടി. 19കാരിയുടെ കയ്യിലൊരു മുറിവുണ്ടായിരുന്നു. ഈ മുറിവില് ഉറുമ്ബരിച്ചിരുന്നതായും കണ്ടെത്തിയിട്ടുണ്ട്.
നിലവില് കൊച്ചിയിലെ സ്വകാര്യ ആശുപത്രിയില് ചികിത്സയിലുള്ള പെണ്കുട്ടിയുടെ ആരോഗ്യനില ഗുരുതരമായി തുടരുകയാണ്. സംഭവത്തില് ആണ് സുഹൃത്തിനെ പൊലീസ് കസ്റ്റഡിയിലെടുത്ത് ചോദ്യം ചെയ്തു കൊണ്ടിരിക്കുകയാണ്. സംഭവത്തെക്കുറിച്ച് പൊലീസ് വിശദമായി അന്വേഷിക്കുകയാണ്.
