കീഴപ്പയ്യൂർ പുറക്കാമലയില് ക്വാറി വിരുദ്ധ സമരത്തിന്റെ പേരില് പത്താം ക്ലാസ് വിദ്യാർത്ഥിയായ പതിനഞ്ചുകാരനെ പൊലീസ് കസ്റ്റഡിയിലെടുത്ത് മര്ദ്ദിച്ചതായി പരാതി.സമര സ്ഥലത്ത് നിന്ന് കുട്ടിയുടെ കോളറിന് പിടിച്ച് പൊലീസ് വാനിലേക്ക് കയറ്റുന്ന ദൃശ്യങ്ങള് ലഭിച്ചു.മേപ്പയ്യൂർ സ്കൂളിലെ പത്താം ക്ലാസ് വിദ്യാർത്ഥിയാണ് മേപ്പയ്യൂർ പൊലീസിന്റെ അതിക്രമത്തിന് ഇരയായത്.
പൊലീസ് വാനിലേക്ക് കൊണ്ടു പോകും വഴി കുട്ടിയെ പൊലീസ് മര്ദ്ദിച്ചതായാണ് പരാതി.സ്ത്രീകള് ഉള്പ്പെടെ പ്രതിഷേധിച്ചപ്പോഴാണ് പൊലീസ് കുട്ടിയെ വിട്ടയച്ചത്.ഇന്നലെയാണ് സംഭവമുണ്ടായത്.നാഭിയിലും ശരീരം മുഴുവനും വേദനയുണ്ടെന്ന് കുട്ടി പറഞ്ഞതായി പിതാവ് വിശദീകരിച്ചു. ഇന്ന് പത്താം ക്ളാസ് പരീക്ഷ എഴുതിയ ശേഷം കുട്ടി പേരാമ്ബ്ര താലൂക്ക് ആശുപത്രിയില് ചികിത്സ തേടുമെന്ന് പിതാവ് പറഞ്ഞു.
‘ഇന്ന് പരീക്ഷയുള്ള പയ്യനെയാണ് പൊലീസ് മർദിച്ചത്, ബൂട്ടിട്ട് ചവിട്ടി,ലാത്തികൊണ്ട് അടിച്ചു’‘കൊല്ലുമെന്ന് ഭീഷണിപ്പെടുത്തി, ബൂട്ടുകൊണ്ട് ചവിട്ടി, തൂക്കിപ്പിടിച്ച് എറിഞ്ഞു, പരീക്ഷയുള്ള പയ്യനെയാണ് പൊലീസ് മർദിച്ചത്, ലാത്തിവെച്ച് അടിച്ചു’; പുറക്കാമല ക്വാറി പ്രതിഷേധത്തിനിടെ 15 കാരനെ പൊലീസുകാർ മർദിച്ചതായി പരാതി
Posted by MediaoneTV on Wednesday, March 5, 2025
2012 മുതല് ക്വാറിക്കെതിരെ സമം നടക്കുന്ന പ്രദേശമാണ് കീഴപ്പയ്യൂരിലെ പുറക്കാമല. കാലങ്ങളായി പ്രദേശത്ത് പ്രതിഷേധമുണ്ടായിട്ടുണ്ട്. ക്വാറി നടത്തിപ്പിന് സംരക്ഷണം നല്കാൻ പൊലീസിന് ഹൈക്കോടതി നിർദ്ദേശമുണ്ടെന്ന് ചൂണ്ടിക്കാട്ടിയാണ് മേപ്പയ്യൂർ എസ് ഐ അടക്കം പൊലീസ് സ്ഥലത്തെത്തിയതെന്നാണ് വിവരം.
