ജനുവരി 1 മുതല് ട്രെയിൻ നമ്ബർ 12076 തിരുവനന്തപുരം കോഴിക്കോട് ജനശതാബ്ദി എക്സ്പ്രസ്സിന്റെ കൊല്ലം മുതല് തൃശ്ശൂർ വരെയുള്ള സമയം മാറും.മുൻകാല സമയപ്രകാരം 9.40 എറണാകുളം എത്തിയിരുന്ന ജനശതാബ്ദി എക്സ്പ്രസ്സ് ഇനി മുതല് 9.30 ക്ക് എത്തിച്ചേരും.
ഒപ്പം ജനുവരി 1 മുതല് 12626 തിരുവനന്തപുരം കേരള എക്സ്പ്രസ്സിന്റെ തൃശൂർ മുതലുള്ള സമയത്തിലും മാറ്റം. എറണാകുളം ടൗണില് 04.30 ന് എത്തി, 04.35 ന് പുറപ്പെടുന്ന വിധമാണ് പുതിയ സമയം ക്രമീകരിച്ചിരിക്കുന്നത്. ജനുവരി ഒന്നിന് ന്യൂ ഡല്ഹിയില് നിന്ന് പുറപ്പെടുന്ന കേരള എക്സ്പ്രസ്സ് ജനുവരി 3 നാണ് കേരളത്തില് എത്തിച്ചേരുക. അതുകൊണ്ട് ജനുവരി 3 മുതല് സമയമാറ്റം കേരളത്തില് പ്രാബല്യത്തില് വരും.
കണ്ണൂർ തിരുവനന്തപുരം ജനശതാബ്ദിയുടെ സമയത്തിലും 20 മിനിറ്റ് വ്യത്യാസം വന്നിട്ടുണ്ട്, തൃശൂർ മുതല് കൊല്ലം വരെയാണ് 20 മിനിറ്റ് വ്യത്യാസം ഉണ്ടാകുക. 9.40 എറണാകുളത്ത് എത്തിയിരുന്നത് ഇനി മുതല് 9.30ന് എത്തും. 12.35 കൊല്ലം എത്തിയിരുന്നത് ഇനി 12.20 ന് എത്തും.
