കാനഡയിലേക്കു തൊഴില്വിസ വാഗ്ദാനം ചെയ്ത് പുത്തന്കുരിശ് സ്വദേശികളായ ദമ്ബതിമാരില്നിന്ന് 10 ലക്ഷം രൂപ തട്ടിയെടുത്ത കേസില് യുവതി അറസ്റ്റില്. തൃപ്പൂണിത്തുറ സ്വദേശിനി കീര്ത്തന (35) ആണ് അറസ്റ്റിലായത്. കീര്ത്തനയുടെ ബന്ധു തൃശൂര് സ്വദേശി പ്രതാപും (45) കേസില് പ്രതിയാണ്. ദമ്ബതിമാരായ ബേസിലും വീണാ വര്ഗീസുമാണ് തട്ടിപ്പിന് ഇരയായത്.
2023-ല് ആണ് സംഭവം.എറണാകുളത്തെ സ്വകാര്യ ആശുപ ത്രിയില് ജോലിക്കാരിയായ വീണയുടെ സഹപ്രവര്ത്തകയായിരുന്നു കീര്ത്തന. കനേഡിയന്വിസ തരപ്പെടുത്താന് 12 ലക്ഷമാണ് ആവശ്യപ്പെട്ടത്. ഡല്ഹിയില് നോര്ക്കയിലെ ഉദ്യോഗസ്ഥനാണെന്നാണ് പ്രതാപ് പരിചയപ്പെടുത്തിയത്. തുടര്ന്നു പ്രതികള് ആവശ്യപ്പെട്ടതനുസരിച്ച് മൂന്നുഘട്ടങ്ങളിലായി 10 ലക്ഷം രൂപ എറണാകുളം നോര്ത്തിലുള്ള സ്ഥാപനത്തിന്റെ അക്കൗണ്ടിലേക്കു നിക്ഷേപിച്ചു.
ഏഴു മാസം കഴിഞ്ഞിട്ടും വിസ ലഭിച്ചില്ല. തുടര്ന്ന് അങ്കമാലി പോലീസില് പരാതി നല്കി. കേസില് ഹൈക്കോടതി അനുവദിച്ച മുന്കൂര് ജാമ്യത്തിലെ വ്യവസ്ഥകള് ലംഘിച്ചതിനെത്തുടര്ന്നാണ് കീര്ത്തനയെ അറസ്റ്റ് ചെയ്തത്.
