കുംഭമേള തലവര മാറ്റി: രുദ്രാക്ഷ മാല വിൽക്കാൻ എത്തി വൈറലായ പെൺകുട്ടിക്ക് മുന്നിൽ ഉള്ളത് ലക്ഷങ്ങളുടെ ഓഫറുകൾ; ചെമ്മണ്ണൂർ വാഗ്ദാനം ചെയ്ത പ്രതിഫലം നിങ്ങളെ ഞെട്ടിക്കും; റിപ്പോർട്ടുകൾ ഇങ്ങനെ.

ഫെബ്രുവരി 14 താൻ ബോബി ചെമ്മണ്ണൂരിനൊപ്പം കോഴിക്കോട് എത്തുമെന്ന് പെണ്‍കുട്ടി പറയുന്ന വീഡിയോ ആണ് ബോബി ഫേസ്ബുക്ക് പേജിലൂടെ പങ്കുവെച്ചത്. കോഴിക്കോട് രാവിലെ 10.30യ്ക്കാണ് പരിപാടി. നടി ഹണി റോസിന്റെ പരാതിയില്‍ അറസ്റ്റിലായതിന് പിന്നാലെ ബോബി ചെമ്മണ്ണൂർ പങ്കെടുക്കുന്ന ആദ്യ പൊതു പരിപാടി കൂടിയാണിത്. കേസിനെ തുടർന്നുണ്ടായ ക്ഷീണം തീർക്കാനുള്ള പിആർ പരിപാടി ആണ് ഇതെന്ന തരത്തിലായിരുന്നു വീഡിയോയ്ക്ക് വന്ന കമന്റുകളില്‍ ഏറെയും.

15 ലക്ഷമാണ് ബോബി ചെമ്മണ്ണൂർ മൊണാലിസക്ക് പ്രതിഫലമായി നല്‍കുകയെന്നാണ് റിപ്പോർട്ട്. മൊണാലിസയെ ബോബി കേരളത്തിലേക്ക് കൊണ്ടുവരുന്നുവെന്ന റിപ്പോർട്ടുകള്‍ വന്നപ്പോള്‍ തന്നെ പെണ്‍കുട്ടി ലക്ഷങ്ങള്‍ പ്രതിഫലം ലഭിച്ചേക്കാനുള്ള സാധ്യത ഉണ്ടെന്ന തരത്തില്‍ വാർത്തകള്‍ വന്നിരുന്നു. പലപ്പോഴും ഉദ്ഘാടനത്തിന് എത്തുന്ന സെലിബ്രിറ്റി താരങ്ങള്‍ക്ക് വലിയ വിലയുള്ള ആഭരണങ്ങള്‍ ബോബി കൈമാറാറുണ്ട്. അതുകൊണ്ട് തന്നെ പരിപാടിയില്‍ വെച്ച്‌ മൊണാലിസയ്ക്ക് കുറഞ്ഞത് രണ്ട് പവന്റെ ആഭരണങ്ങളെങ്കിലും ബോബി കൊടുക്കാനുള്ള സാധ്യത ഉണ്ടെന്നാണ് അദ്ദേഹത്തിന്റെ ആരാധകരില്‍ പലരും കമന്റ് ചെയ്തത്. മാത്രമല്ല പെണ്‍കുട്ടിക്ക് മികച്ച വിദ്യാഭ്യാസത്തിന്റെ ആവശ്യമുണ്ടെന്നും ബോബിക്ക് കഴിയുമെങ്കില്‍ അതിന് കൂടി ശ്രമിക്കണമെന്നും ചിലർ കമന്റ് ചെയ്തിരുന്നു.

നടിയായി തിളങ്ങാൻ മൊണാലിസ; പ്രതിഫലമായി ലഭിക്കുന്നത് ലക്ഷങ്ങള്‍

സനോജ് മിശ്ര സംവിധാനം ചെയ്യുന്ന ‘ദി ഡയറി ഓഫ് മണിപ്പൂര്‍’ എന്ന ചിത്രത്തിലൂടെയാണ് മൊണാലിസ ബോളിവുഡില്‍ അരങ്ങേറ്റം കുറിക്കാൻ ഒരുങ്ങുന്നത്. ചിത്രത്തിനായി പെണ്‍കുട്ടിക്ക് 21 ലക്ഷം രൂപ പ്രതിഫമായി ലഭിക്കുമെന്നാണ് ദേശീയ മാധ്യമങ്ങള്‍ റിപ്പോർട്ട് ചെയ്യുന്നത്. അഡ്വാൻസ് തുകയായി 1 ലക്ഷം രൂപ ഇതിനോടകം തന്നെ കൈമാറിയത്രേ. ഇതുകൂടാതെ നിരവധി മോഡലിംഗ് അവസരങ്ങളും മൊണാലിസയെ തേടിയെുത്തുന്നുണ്ട്.