ലക്ഷം രൂപ ശമ്പളത്തിൽ ഭൂട്ടാനിൽ തൊഴിലവസരം; അധ്യാപകർക്ക് സുവർണ്ണ സാധ്യത: വിശദാംശങ്ങൾ വാർത്തയോടൊപ്പം

കമ്ബ്യൂട്ടർ സയൻസിന് 20, കെമിസ്ട്രി-4, കണക്ക്-7 എന്നിങ്ങനെയാണ് ഒഴിവുകള്‍. അപേക്ഷിക്കാനുള്ള ഉയർന്ന പ്രായപരിധി 55 വയസാണ്. അപേക്ഷകർക്ക് 60 ശതമാനം മാർക്കോടെ ബന്ധപ്പെട്ട വിഷയത്തില്‍ പിജി ഉണ്ടായിരിക്കണം. കൂടാതെ ബിഎഡ്, ഇംഗ്ലിഷില്‍ പ്രാവീണ്യം, 5 വർഷ അധ്യാപന പരിചയം എന്നിവയും ആവശ്യമാണ്. ഓണ്‍ലൈനായി അപേക്ഷിക്കാനുള്ള അവസാന തീയതി ജനവരി 15 ആണ്. തിരഞ്ഞെടുക്കപ്പെടുന്നവർക്ക് 1,40,000 രൂപ ശമ്ബളമായി ലഭിക്കും. കൂടുതല്‍ വിവരങ്ങള്‍ക്ക് www.edcilindia.co.in

കേരള സംസ്ഥാന സർക്കാരിന് കീഴില്‍ താത്കാലിക ഒഴിവുകള്‍

കേരള വന ഗവേഷണ സ്ഥാപനത്തില്‍ 2027 ഡിസംബര്‍ 19 വരെ കാലാവധിയുളള ഒരു സമയ ബന്ധിത ഗവേഷണ പദ്ധതിയിലേക്ക് പ്രോജക്‌ട് ഫെല്ലോ (ഒരു ഒഴിവ്) താത്കാലിക ഒഴിവിലേക്ക് നിയമനം നടത്തുന്നു. യോഗ്യത ബോട്ടണി/ ഇക്കോളജി/ ഫോറസ്ട്രി എന്‍വയോണ്‍മെന്റല്‍ സയന്‍സ് എന്നിവയില്‍ ഒന്നാം ക്ലാസ്സോടുകൂടിയ ബിരുദാനന്തര ബിരുദം. അഭികാമ്യ യോഗ്യത ടാക്‌സോണമിക്, ഇക്കോളജിക്കല്‍ പഠനങ്ങളില്‍ പരിചയം.

ഉദ്യോഗാര്‍ത്ഥികള്‍ ജനുവരി 16 ന് രാവിലെ 10 ന് അസ്സല്‍ സര്‍ട്ടിഫിക്കറ്റുകള്‍ സഹിതം കേരള വനഗവേഷണ സ്ഥാപനത്തിന്റെ തൃശ്ശൂര്‍ പീച്ചിയിലുളള ഓഫീസില്‍ നടത്തുന്ന വാക് ഇന്‍ ഇന്റര്‍വ്യൂവില്‍ പങ്കെടുക്കണം. ജനുവരി 16 ന് രാവിലെ 10 ന് കേരള വനഗവേഷണ സ്ഥാപനത്തിന്റെ തൃശ്ശൂര്‍ പീച്ചിയിലുളള ഓഫീസില്‍ ഇന്റര്‍വ്യൂ നടക്കും. കൂടുതല്‍ വിവരങ്ങള്‍ക്കായി കേരള വന ഗവേഷണ സ്ഥാപനത്തിന്റെ www.kfri.res.in എന്ന വെബ്‌സൈറ്റ് സന്ദര്‍ശിക്കുക.

വാക്ക് ഇന്‍ ഇന്റര്‍വ്യൂ

പേരാവൂര്‍ താലൂക്ക് ആശുപത്രിയില്‍ ഫാര്‍മസിസ്റ്റിനെ നിയമിക്കുന്നു. ജനുവരി 16ന് രാവിലെ 11ന് ആശുപത്രി സൂപ്രണ്ടിന്റെ ഓഫീസില്‍ ഇന്റര്‍വ്യൂ നടക്കും. 50 വയസ്സാണ് പ്രായപരിധി. ഉദ്യോഗാര്‍ത്ഥികള്‍ ഡി.ഫാം, ബിഫാം യോഗ്യതയുള്ള ഫാര്‍മസി കൗണ്‍സില്‍ രജിസ്ട്രഷന്‍ പുതുക്കിയവരായിരിക്കണം. ആശുപത്രിയില്‍ ജോലി പരിചയമുള്ളവര്‍ക്ക് മുന്‍ഗണന. അപേക്ഷകര്‍ ഒര്‍ജിനല്‍ സര്‍ട്ടിഫിക്കറ്റും പകര്‍പ്പുമായി രാവിലെ 10.30 നകം എത്തിച്ചേരണം. ഫോണ്‍ നമ്ബര്‍ : 04902445355