ആധുനിക ഡേറ്റിംഗ് പഴയതുപോലെ ലളിതമല്ല. ഇന്ന്, കാഷ്വല് ഡേറ്റിംഗ്, ഓപ്പണ് റിലേഷൻഷിപ്പ്, അല്ലെങ്കില് ‘ബ്രെഡ്ക്രമ്ബിംഗ്’, ‘റോച്ചിംഗ്’ പോലുള്ള പുതിയ പദങ്ങള് പോലും സാധാരണമായിരിക്കുന്നു.ഇതിനിടയില്, സാമൂഹ്യമാധ്യമങ്ങളില് ശ്രദ്ധ നേടിയ ഒരു വൈറല് വീഡിയോ ആണ് ഇപ്പോള് ചർച്ചാവിഷയം.
‘ഘർ കാ കലേഷ്’ എന്ന X അക്കൗണ്ടില് പോസ്റ്റ് ചെയ്ത ഒരു വൈറല് വീഡിയോയില്, ഒരു ഹോട്ടലിനകത്ത് നാടകീയമായ രംഗങ്ങളാണ് കാണുന്നത്. ഒരു യുവതി, തന്റെ കാമുകൻ മറ്റൊരു സ്ത്രീയോടൊപ്പം ഇരിക്കുന്നത് കണ്ട് ദേഷ്യത്തില് അങ്ങോട്ട് കടന്ന് ചെല്ലുന്നു. യാതൊരു മടിയും കൂടാതെ, അവള് കാമുകന്റെ കരണം പുകച്ച് ശക്തമായ ഒരു അടി നല്കുന്നു. അടിയുടെ ആഘാതത്തില് അയാള് സ്തംഭിച്ചു നില്ക്കുമ്ബോള്, കൂടെയുണ്ടായിരുന്ന യുവതി അയാളെ സംരക്ഷിക്കാൻ ശ്രമിക്കുന്നുണ്ട്. എഴുന്നേറ്റ് ചെന്ന കാമുകനെതിരേ ആക്രോശിച്ചുകൊണ്ട് മുഖമടച്ച് ഒരെണ്ണം കൂടി പൊട്ടിക്കുന്നതും വീഡിയോയില് ഉണ്ട്.
വീഡിയോയ്ക്ക് ലഭിച്ച ചില ഓണ്ലൈൻ പ്രതികരണങ്ങള് താഴെ കൊടുക്കുന്നു:
“അത് ഒരു കിടിലൻ ആദ്യത്തെ അടി ആയിരുന്നു.”
“വളരെ നന്നായി ചെയ്തു, ഇനിയും അടിക്കൂ.”
ഈ വൈറല് വീഡിയോ വെറുമൊരു ഇന്റർനെറ്റ് നാടകമായി തോന്നാമെങ്കിലും, ഇത് ബന്ധങ്ങളിലെ വഞ്ചന എന്ന ഗുരുതരമായ വിഷയത്തിലേക്കാണ് വിരല് ചൂണ്ടുന്നത്. പലരും പ്രതീക്ഷിക്കുന്നതിനേക്കാള് കൂടുതലായി ഇന്ത്യയില് അവിഹിത ബന്ധങ്ങള് സാധാരണമാണെന്ന് പഠനങ്ങള് കാണിക്കുന്നു.
ഗ്ലീഡൻ എന്ന എക്സ്ട്രാ മാരിറ്റല് ഡേറ്റിംഗ് ആപ്പ് നടത്തിയ ഒരു സർവ്വേ പ്രകാരം, വിവാഹിതരായ 55% ഇന്ത്യക്കാരും വഞ്ചിച്ചിട്ടുണ്ട്. ഇതില് 56% പേർ സ്ത്രീകളാണെന്നത് അതിശയകരമായ ഒരു കണ്ടെത്തലാണ്. മറ്റൊരു സർവ്വേ റിപ്പോർട്ട് ചെയ്തത്, വിവാഹിതരായ 60% ഇന്ത്യക്കാർ പുതിയ തരം ഡേറ്റിംഗുകളായ ‘സ്വിംഗിംഗ്’ അല്ലെങ്കില് ഇമോഷണല് അഫയേഴ്സിനോട് താല്പ്പര്യമുള്ളവരാണ് എന്നാണ്.
ശാരീരിക ആകർഷണത്തിന് പുറമെ പല കാരണങ്ങള് കൊണ്ടും വഞ്ചന നടക്കാറുണ്ടെന്ന് വിദഗ്ദ്ധർ പറയുന്നു. മാനസികമായ അവഗണന, മടുപ്പ്, സ്ട്രെസ്, പുതിയ അനുഭവങ്ങള്ക്കുള്ള ആഗ്രഹം എന്നിവയാണ് ഇതിൻ്റെ പ്രധാന കാരണങ്ങള്.
