വഞ്ചിയൂര് കോടതി വളപ്പില്വച്ച് യുവ അഭിഭാഷകയെ ക്രൂരമായി മര്ദിച്ച സീനിയര് അഭിഭാഷകന് ബെയ്ലിന് ദാസ് പിടിയില്. തിരുവനന്തപുരം സ്റ്റേഷന് കടവില് നിന്നാണ് തുമ്ബ പൊലീസ് പ്രതിയെ പിടികൂടിയത്. വഞ്ചിയൂര് കോടതിയിലെ ജൂനിയര് അഭിഭാഷക ശ്യാമിലിയെയാണ് സീനിയര് അഭിഭാഷകനായ ബെയ്ലിന് മര്ദിച്ചത്.കാറില് സഞ്ചരിക്കുന്നതിനിടെയാണ് ബെയ്ലിൻ ദാസിനെ തുമ്ബ പൊലീസ് കസ്റ്റഡിയിലെടുത്തത്.
മുൻകൂർ ജാമ്യാപേക്ഷയ്ക്ക് ശ്രമിക്കുന്നതിനിടെയാണ് പ്രതി പിടിയിലായത്. ചൊവ്വാഴ്ച വഞ്ചിയൂര് മഹാറാണി ബില്ഡിങ്ങിലുള്ള ഓഫീസില് വെച്ചായിരുന്നു യുവ അഭിഭാഷകയെ മര്ദിച്ചത്. ശ്യാമിലിയുടെ പരാതിയുടെ അടിസ്ഥാനത്തില് ജാമ്യമില്ലാ വകുപ്പുകള് പ്രകാരം പൊലീസ് ഇയാള്ക്കെതിരേ കേസെടുത്തിരുന്നു. ഇതോടെ ബെയ്ലിന് ദാസ് മുന്കൂര് ജാമ്യാപേക്ഷ നല്കിയിരുന്നു.
തിരുവനന്തപുരം സെഷന്സ് കോടതിയിലാണ് ജാമ്യാപേക്ഷ നല്കിയത്. ഇത് പരിഗണിക്കാനിരിക്കെയാണ് ഇപ്പോള് ബെയ്ലിന് ദാസ് പിടിയിലായിരിക്കുന്നത്. സംഭവത്തില് അഡ്വ ബെയ്ലിൻ ദാസിനെ കേരള ബാര് കൗണ്സില് വിലക്കിയിരുന്നു. അച്ചടക്ക നടപടി അവസാനിക്കും വരെയാണ് പ്രാക്ടീസില് നിന്ന് വിലക്ക് ഏർപ്പെടുത്തിയിരിക്കുന്നത്. കുറ്റക്കാരനെന്ന് കണ്ടെത്തിയാല് സ്ഥിരം വിലക്ക് ഏര്പ്പെടുത്തും. സ്വമേധയ സ്വീകരിച്ച നടപടിയിലാണ് ബെയ്ലിൻ ദാസിന് ബാര് കൗണ്സിലിന്റെ നോട്ടീസ്.
