മൃഗങ്ങള്ക്ക് മനുഷ്യനെക്കാള് ഭൂമിയുമായി അടുപ്പമുണ്ട്. അതുകൊണ്ട് തന്നെ പ്രകൃതിക്ഷോഭങ്ങളെ കുറിച്ചുള്ള സൂചനകള് അവയ്ക്ക് മനുഷ്യനെക്കാള് മുന്നേ കിട്ടുന്നു.അത്തരമൊരു മുന്നറിയിപ്പ് ലഭിച്ചതിന് പിന്നാലെ ആനക്കൂട്ടം തങ്ങള്ക്കിടയിലെ കുട്ടിയാനയെ നടുക്ക് നിര്ത്തി ചുറ്റും സുരക്ഷാ വലയം തീര്ക്കുന്ന വീഡിയോ സമൂഹ മാധ്യമങ്ങളില് വൈറലായി.
തെക്കന് കാലിഫോര്ണിയയിലെ സാന് ഡീഗോ കൌണ്ടിയിലെ ജൂലിയന് സമീപം തിങ്കളാഴ്ച രാവിലെയാണ് 5.2 തീവ്രത രേഖപ്പെടുത്തിയ ഭൂകമ്ബമുണ്ടായത്. തെക്കന് കാലിഫോര്ണിയയിലുടെ നീളം ഭൂചനങ്ങളുണ്ടായിയെന്നും റിപ്പോര്ട്ടുകള് പറയുന്നു.
സാന് ആന്ഡ്രിയാസ് ഫോള്ട്ട് സിസ്റ്റത്തിന്റെ ശാഖയായ എല്സിനോർ ഫോള്ട്ട് സോണിന് തൊട്ട് തെക്കാണ് ഭൂകമ്ബത്തിന്റെ പ്രഭവകേന്ദ്രം. ഇവിടെ നിന്നും ഏകദേശം 200 കിലോമീറ്ററോളം ദൂരെയുള്ള ലോസ്ഏഞ്ചല്സ് നഗരം വരെ ഭൂകമ്ബത്തിന്റെ പ്രകമ്ബനങ്ങളുണ്ടായി. സാന്ഡീഗോ മൃഗശാലയുടെ സഫാരി പാര്ക്കില് നിന്നുള്ള വീഡിയോയാണ് പിന്നീട് സമൂഹ മാധ്യമങ്ങളില് വൈറലായത്.
ഭൂകമ്ബ സൂചനകള് ലഭിച്ചതിന് പിന്നാലെ ഒരു കൂട്ടം ആഫ്രിക്കന് ആനകള് തങ്ങളുടെ കൂട്ടത്തിലെ ഏറ്റവും ചെറിയ അംഗത്തെ നടുക്ക് നിര്ത്തി അതിന് ചുറ്റും നിലയുറപ്പിച്ച്, ഒരു സുരക്ഷാ വലയം തീര്ത്തു. കൂട്ടത്തിലെ ഏറ്റവും ദുർബലരെയും കുട്ടികളെയും സംരക്ഷിക്കാന് ആനകള് തീര്ക്കുന്ന പ്രതിരോധ നടപടിയായിരുന്നു അത്. ആനകളുടെ പ്രവര്ത്തി സമൂഹ മാധ്യമ ഉപയോക്താക്കളെ ഏറെ ആകര്ഷിച്ചു.
