കാടിനെ സംബന്ധിച്ച്‌ ‘ക്ഷമ’ എന്നത് അപ്രസക്തമായ വാക്കാണ്. കാട്ടിലെ അതിജീവനം എപ്പോഴും ഒരു ക്രൂരമായ വിനോദവുമാണ്. കരുണ വളരെ അപൂർവമായി മാത്രമേ അവിടെ സ്ഥാനം കണ്ടെത്താറുള്ളൂ. എന്നാല്‍ ഇതെനെയെല്ലാം തിരുത്തി പലപ്പോഴും പ്രകൃതി നമ്മെ അത്ഭുതപ്പെടുത്താറുമുണ്ട്. അത്തരമൊരു വീഡിയോയാണ് സോഷ്യല്‍ മീഡിയയില്‍ ഇപ്പോള്‍ വൈറലാകുന്നത്.

കുളത്തില്‍ മുങ്ങിത്താഴുന്ന മാനിനെ (Gazelle) രക്ഷിക്കുന്ന കാട്ടാനയുടെ വീഡിയോയാണ് ഇന്റർനെറ്റില്‍ കാഴ്ചക്കാരുടെ ഹൃദയം കവരുന്നത്. മൃഗശാലയില്‍ നിന്നുള്ള വീഡിയോയാണിതെന്നാണ് സൂചന. വെള്ളത്തില്‍ വീണ് കരയ്ക്കുകയറാൻ പാടുപെടുന്ന മാനിനെ ആന തുമ്ബിക്കൈകൊണ്ട് കൊമ്ബില്‍ പിടിച്ചാണ് കരയ്ക്കു കയറ്റുന്നത്. ആദ്യ ശ്രമം പരാജയപ്പെടുന്നുണ്ടെങ്കിലും രണ്ടാമത്തെ ശ്രമത്തില്‍ മാൻ കരയ്ക്കു കയറും.

കേരള സ്പീക്ക്സിനെ പിൻതുടരാനും വാട്സ് അപ്പ് ഗ്രൂപ്പിൽ അംഗമാകാനും ഇവിടെ ക്ലിക്ക് ചെയ്യുക. Whatsapp Group | Google News |Telegram Group

ഇൻസ്റ്റഗ്രാമില്‍ വൈറലാകുന്ന വീഡിയോ “Pubity” എന്ന അക്കൗണ്ടാണ് പങ്കുവച്ചിരിക്കുന്നത്. നിരവധി കമന്റുകളും ലൈക്കുകളും വീഡിയോയ്ക്ക് ലഭിച്ചിട്ടുണ്ട്. “ഇതുകണ്ട് ഞാൻ എന്തിനാ കരയണേ?” എന്നാണ് വീഡിയോയില്‍ ഒരാള്‍ കുറിച്ചത്. 12.6 ദശലക്ഷം കാഴ്ചകളും വീഡിയോയ്ക്ക് ലഭിച്ചിട്ടുണ്ട്. അതേസമയം, വനത്തിലെ ചെളിക്കുഴിയില്‍ വീണ കുട്ടിയാനയെ കരയ്ക്കു കയറ്റുന്ന ഒരു വീഡിയോ കഴിഞ്ഞ ദിവസം ശ്രദ്ധനേടിയിരുന്നു. മണ്ണുമാന്തി യന്ത്രം ഉപയോഗിച്ച്‌ കുഴിയില്‍ നിന്ന് കരയിലേക്ക് വഴി വെട്ടിയാണ് ആനയെ പുറത്തെത്തിച്ചത്. കരയ്ക്ക് കയറിയ ഉടനെ ആനക്കുട്ടി മണ്ണുമാന്തി യന്ത്രത്തെ സ്പർശിച്ച്‌ നന്ദി പ്രകടിപ്പിക്കുന്നതായും വീഡിയോയില്‍ കാണാം.

ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക