ചേകാടി ഗവണ്മെന്റ് എല് പി സ്കൂളില് രാവിലെ ക്ലാസ് തുടങ്ങി. പതിവില്ലാതെ അവിടേക്ക് ഒരു അതിഥിയും എത്തി, ആരാണെന്ന് അല്ലേ ?ഒരു ചെറിയ ആനക്കുട്ടി. കുറുമ്ബും സ്നേഹവും എല്ലാം നിറച്ച് അവൻ ആ സ്കൂള് അങ്കണത്തിലും വരാന്തയിലും ഒക്കെ ഓടി നടക്കുകയായിരുന്നു. സംഭവത്തിന്റെ വീഡിയോയും വൈറലായി മാറിയിട്ടുണ്ട്. സ്കൂളിലെ കുട്ടികള് ഊരിയിട്ട ചെരുപ്പെടുത്ത് ആനക്കുട്ടി കളിക്കുന്നതും വീഡിയോ ദൃശ്യങ്ങളില് കാണാൻ സാധിക്കും.
പ്രീ-പ്രൈമറി ക്ലാസുകളും ഉള്പ്പെടുന്ന ഗവണ്മെന്റ് എല്പി സ്കൂള് ചേകാടിയില് ഏകദേശം 115 വിദ്യാർത്ഥികളുണ്ട്. ഒരു ഏക്കറില് വ്യാപിച്ചുകിടക്കുന്ന സ്കൂളില് ആനകളുടെ സാന്നിധ്യം അപരിചിതമല്ല, സൂര്യാസ്തമയത്തിനുശേഷം പലപ്പോഴും ആനക്കൂട്ടങ്ങള് കടന്നുപോകാറുണ്ട്. എന്നാല് ഒരു ഒറ്റപ്പെട്ട ആനക്കുട്ടി കോമ്ബൗണ്ടിലേക്ക് അലഞ്ഞുതിരിയുന്നത് ഇതാദ്യമാണെന്ന് അധ്യാപകർ പറഞ്ഞു.
