തദ്ദേശ തെരഞ്ഞെടുപ്പിന് മുന്നോടിയായി പാര്ട്ടിയെ ശക്തിപ്പെടുത്താന് മാര്ഗരേഖയുമായി കെപിസിസി. പാര്ട്ടി പരിപാടികളില് സജീവമല്ലാത്ത ഭാരവാഹികളുടെ പേരുവിവരങ്ങള് കൈമാറാന് കീഴ്ഘടകങ്ങള്ക്ക് നിര്ദേശം നല്കി. താഴെ തട്ടിലെ നേതാക്കള് വരെ സമൂഹമാധ്യമങ്ങളില് സജീവമാകണം. ബൂത്ത് പ്രസിഡന്റുമാരെ പങ്കെടുപ്പിച്ച് മെയ് മാസം മഹാപഞ്ചായത്ത് ചേരാനാണ് പാര്ട്ടി തീരുമാനം.
ഭാരവാഹികളുടെ ബാഹുല്യമുണ്ടെങ്കിലും ആര്ക്കും പ്രത്യേക ഉത്തരവാദിത്തങ്ങള് ഒന്നുമില്ല. പദവികളിലെത്തിയാല് പാര്ട്ടി പരിപാടികളില് ആബ്സന്റ് ആയിരിക്കും.സംസ്ഥാനത്തെ 282 ബ്ലോക്ക് കമ്മിറ്റികള്ക്ക് അയച്ച ഒമ്ബത് പേജുള്ള കത്തില് സംഘടന എങ്ങനെ പ്രവര്ത്തിക്കണമെന്ന് അക്കമിട്ടുനിരത്തുന്നു.
- ഇനിമുതല് ബ്ലോക്ക് ഭാരവാഹികള്ക്ക് ചുമതലകള് വിഭജിച്ചുനല്കും.
- പണിയെടുക്കാത്തവരുടെ പട്ടിക പാര്ട്ടി സംസ്ഥാന നേതൃത്വത്തിന് കൈമാറണം.
- കൃത്യമായി യോഗങ്ങള് ചേരണം.
- പാര്ട്ടി ഓഫിസില് ടിവിയും കമ്ബ്യൂട്ടറും വേണം.
- ഫേസ് ബുക്കിലും ഇന്സ്റ്റഗ്രാമിലുമെല്ലാം നേതാക്കള് സജീവമാകണം.
- മറ്റു പാര്ട്ടികളില് നിന്ന് അകന്നുനില്ക്കുന്ന നേതാക്കളെയും പ്രവര്ത്തകരെയും കോണ്ഗ്രസില് എത്തിക്കാന് പ്രത്യേക ശ്രമം ബ്ലോക്ക് കമ്മിറ്റികള് നടത്തണം.
സംസ്ഥാനത്ത് ആകെ 280 ബ്ലോക്ക് കമ്മിറ്റികളും 1498 മണ്ഡലം കമ്മിറ്റികളുമാണ് കോണ്ഗ്രസിനുള്ളത്. ഇതില് ആയിരത്തി ഒരുനൂറിലധികം പുനസംഘടിപ്പിച്ചു. ഈട് ഘടകങ്ങളെ ചലിപ്പിച്ച് പാര്ട്ടിയെ ഉടച്ചുവാര്ക്കാനാകുമോ എന്നാണ് സംഘടനാ ജനറല്സെക്രട്ടറിയുടെ ശ്രമം.
