മലപ്പുറത്ത് നവവധുവിനെ ജീവനൊടുക്കിയ നിലയില് കണ്ടെത്തി. കൊണ്ടോട്ടി സ്വദേശിനി ശഹാന മുംതാസിനെയാണ് (19) ആത്മഹത്യ ചെയ്ത നിലയില് കണ്ടെത്തിയത്.രാവിലെ പത്ത് മണിയോടെയാണ് ശഹാനയെ വീട്ടില് തൂങ്ങിമരിച്ച നിലയില് കണ്ടെത്തിയത്.
എന്നാല് ശഹാനയുടെ ആത്മഹത്യ മാനസിക പീഡനം മൂലമെന്ന ആരോപണവുമായി കുടുംബം രംഗത്തെത്തിയിട്ടുണ്ട്.
നിറത്തിൻ്റെ പേരില് ഭർത്താവ് നിരന്തരം മാനസികമായി ഉപദ്രവിച്ചുവെന്നാണ് കുടുംബത്തിൻ്റെ ആരോപണം. ഇതേ കാരണത്താല് വിവാഹ ബന്ധം വേർപ്പെടുത്താൻ ഇയാള് പെണ്കുട്ടിയെ നിർബന്ധിച്ചുവെന്നാണ് കുടുംബത്തിൻ്റെ ആരോപണം. ഇംഗ്ലീഷ് ഭാഷയില് സംസാരിക്കാൻ കഴിയില്ലെന്ന് പറഞ്ഞും കുറ്റപ്പെടുത്തിയതായും കുടുംബം അറിയിച്ചു. ഭർത്താവ് മൊറയൂർ സ്വദേശി അബ്ദുല് വാഹിദിനും മാതാപിതാക്കള്ക്കും എതിരെയാണ് പെണ്കുട്ടിയുടെ കുടുംബം ആരോപണം ഉയർത്തിയിരിക്കുന്നത്. 2024 മെയ് 27 ന് ആയിരുന്നു ശഹാനയുടെ വിവാഹം.
