ഉണ്ണി മുകുന്ദന്റെ കരിയറിലെ തന്നെ ഏറ്റവും വലിയ വിജയമായി മാറിയിരിക്കുകയാണ് ‘മാര്ക്കോ’. ആദ്യ ദിനം മുതല് മികച്ച പ്രതികരണം ലഭിച്ച ചിത്രത്തിന് അന്യഭാഷാ ബോക്സ് ഓഫീസുകളിലും മികച്ച പ്രതികരണമാണ് നേടിയത്.ഉണ്ണി മുകുന്ദന്റെ മാര്ക്കോ 82 കോടിയിലധികം നേടിയിരിക്കുകയാണ് എന്നാണ് റിപ്പോര്ട്ടുകള് വ്യക്തമാക്കുന്നത്. ആദ്യ ദിനം മുതല് മികച്ച പ്രതികരണം ലഭിച്ച ചിത്രം മലയാളത്തിലെ അടുത്ത ബ്ലോക്ക് ബസ്റ്ററാകുമെന്നാണ് കണക്ക് കൂട്ടല്. ചിത്രത്തിലെ വയലന്സ് നിറഞ്ഞ രംഗങ്ങള് ഏറെ ചര്ച്ചയായിരുന്നു.
ഇപ്പോഴിതാ ആക്ഷന് രംഗങ്ങള് ചിത്രീകരിക്കുന്നതിന്റെ വീഡിയോ പുറത്ത് വിട്ടിരിരുക്കികയാണ് അണിയറ പ്രവര്ത്തകര്. ആക്ഷന് വലിയ പ്രാധാന്യം ഒരുക്കിയിരിക്കുന്ന സിനിമയിലെ സംഘട്ടനങ്ങള് ഒരുക്കിയിരിക്കുന്നത് പ്രമുഖ ആക്ഷന് ഡയറക്ടര് കലൈ കിങ്ങ്സ്റ്റണാണ്. ചിത്രത്തില് ഏഴ് സംഘട്ടന രംഗങ്ങളാണുള്ളത്. മലയാളത്തിലെ മോസ്റ്റ് വയലന്റ് ഫിലിം എന്ന ലേബലിനോട് നൂറ് ശതമാനം കൂറ് പുലര്ത്തുന്നതാണ് ചിത്രമെന്നാണ് റിപ്പോര്ട്ടുകള്. ഹനീഫ് അദേനിയാണ് സംവിധാനം ആക്ഷന് ത്രില്ലര് ?ഗണത്തില്പ്പെടുന്ന മാര്ക്കോ മലയാളത്തില് ഇന്നുവരെ പുറത്തിറങ്ങിയതില്വെച്ച് ഏറ്റവും വയലന്സ് ഉള്ള ചിത്രമാണെന്നാണ് പ്രേക്ഷകരുടെ അഭിപ്രായം.
കരിയറിലെ ഏറ്റവും വ്യത്യസ്ഥമായ കഥാപാത്രമാണ് ജഗദീഷ് ചിത്രത്തില് അവതരിപ്പിച്ചിരിക്കുന്നതെന്നാണ് വിവരം. ക്യൂബ്സ് എന്റര്ടെയ്ന്മെന്റ്സ്, ഉണ്ണി മുകുന്ദന് ഫിലിംസ് എന്നീ ബാനറുകളില് ഷെരീഫ് മുഹമ്മദ് ആണ് മാര്ക്കോ നിര്മിക്കുന്നത്. കെജിഎഫ്, സലാര് അടക്കമുള്ള ബിഗ് ബഡ്ജറ്റ് ചിത്രങ്ങളുടെ സംഗീത സംവിധായകന് രവി ബസ്റൂര് ആണ് മാര്ക്കോയിലെയും ഈണങ്ങള് ഒരുക്കുന്നത്. സിദ്ദിഖ്, ജഗദീഷ്, ആന്സണ് പോള്, കബീര് ദുഹാന്സിംഗ്, അഭിമന്യു തിലകന്, മാത്യു വര്ഗീസ്, അര്ജുന് നന്ദകുമാര്, ബീറ്റോ ഡേവിസ്, ദിനേശ് പ്രഭാകര്, ശ്രീജിത്ത് രവി, ലിഷോയ് തുടങ്ങി നിരവധി താരങ്ങളും ഈ ബിഗ് ബജറ്റ് ചിത്രത്തില് അണിനിരക്കുന്നുണ്ട്.
