കോട്ടയം ഡിസിസി ജനറൽ സെക്രട്ടറിയും, യൂത്ത് കോൺഗ്രസ് മുൻ ജില്ലാ അധ്യക്ഷനുമായിരുന്ന ജോബോയ് ജോർജ് (47) കുഴഞ്ഞു വീണു മരിച്ചു; ഹൃദയാഘാതം എന്ന് പ്രാഥമിക നിഗമനം; സംഭവം വൈകുന്നേരം മാർക്കറ്റിൽ പച്ചക്കറി വാങ്ങാൻ എത്തിയപ്പോൾ.

കോട്ടയം ഡിസിസി ജനറൽ സെക്രട്ടറി ജോബോയ് ജോർജ് അന്തരിച്ചു. 47 വയസായിരുന്നു. കോട്ടയം മാർക്കറ്റിൽ വച്ച് കുഴഞ്ഞു വീണായിരുന്നു അന്ത്യം. യൂത്ത് കോൺഗ്രസ് കോട്ടയം ജില്ല മുൻ പ്രസിഡൻ്റായിരുന്നു. കേസ് കോട്ടയം ജില്ലാ അധ്യക്ഷൻ സംസ്ഥാന ജനറൽ സെക്രട്ടറി എന്ന നിലകളിലും പ്രവർത്തിച്ചിട്ടുണ്ട്.

രാത്രി 8:30 യോടെ പച്ചക്കറി വാങ്ങുന്നതിനായി മാർക്കറ്റിൽ എത്തിയതായിരുന്നു ജോബോയി. കുഴഞ്ഞു വീണത് കണ്ട് സമീപത്തുണ്ടായിരുന്നവർ ഉടൻതന്നെ കോട്ടയം ജില്ല ജനറൽ ആശുപത്രിയിൽ എത്തിച്ചുവെങ്കിലും മരിച്ചു.ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം.