ദുബായില് വാഹനാപകടത്തില് ഇന്ത്യൻ തൊഴിലാളികള്ക്ക് അടക്കം ഏഴ് പേര്ക്ക് ദാരുണാന്ത്യം. നിർത്തിയിട്ട ട്രക്കിന് പിന്നില് മിനി ബസ് ഇടിച്ചായിരുന്നു അപകടം.മരിച്ചവരില് ഇന്ത്യൻ തൊഴിലാളികളുള്ളതായി ദുബായ് ഇന്ത്യൻ കോണ്സുലേറ്റ് സ്ഥിരീകരിച്ചു. അപകടത്തില് പരിക്കേറ്റ എട്ട് പേരില് മൂന്ന് പേരുടെ നില ഗുരുതരമാണ്.
മറ്റൊരു വാഹനവുമായി ഇടിച്ച് നിന്നുപോയ ട്രക്കില് ബസ് ഇടിച്ചാണ് അപകടം ഉണ്ടായത്. അപകടമുണ്ടായാല് വാഹനം റോഡില് നിന്ന് മാറ്റിയിടണമെന്നാണ് നിയമമെന്നിരിക്കെ നടുറോഡില് തന്നെ കിടന്ന ട്രക്കും, സുരക്ഷിത അകലം പാലിക്കാതെ പാഞ്ഞെത്തിയ മിനി ബസും ദുരന്തത്തിനിടയാക്കി. ട്രക്കിലേക്ക് പിറകില് നിന്ന് ഇടിച്ചു കയറി തൊഴിലാളികളുമായി പോയ മിനി ബസ്. ദുബായിലെ തിരക്കേറിയ എമിറേറ്റ്സ് റോഡില് ഉച്ചയോടെയായിരുന്നു ദുരന്തം.പതിനാറ് പേരാണ് ബസ്സില് ഉണ്ടായിരുന്നത്. നേപ്പാള്, ശ്രീലങ്ക സ്വദേശികളായ രണ്ട് പേരും ഇന്ത്യക്കാരുമാണ് മരിച്ചത്. പരിക്കേറ്റ എട്ടുപേരില് മൂന്ന് പേരുടെ നില ഗുരുതരമാണ്. ഇതില് രണ്ടുപേർ ഇന്ത്യക്കാരാണ്.
മുൻപുണ്ടായ അപകടത്തെ തുടർന്ന്, ട്രക്ക് നിർത്തിയിട്ടത്, മിനി ബസ്സിന്റെ ഡ്രൈവർ ശ്രദ്ധിക്കാതിരുന്നതാണ് ദുരന്തം വരുത്തിവെച്ചത്. പൊതുപ്രവർത്തകനായ നസീർ വാടാനപ്പള്ളിയുടെ നേതൃത്വത്തിലാണ് മൃതദേഹങ്ങള് നാട്ടിലെത്തിക്കാമുള്ള ശ്രമം നടക്കുന്നത്.
