എറണാകുളത്ത് ഒരു കുടുംബത്തിലെ അഞ്ച് പേരെ മരിച്ച നിലയില് നിലയില് കണ്ടെത്തിയ സംഭവത്തില് ആത്മഹത്യാക്കുറിപ്പ് കണ്ടെത്തി.തിരുവനന്തപുരം സ്വദേശികളായ ശ്രീകുമാരി, കുമാരിയുടെ മകള് അശ്വതി അശ്വതിയുടെ മൂന്ന് കുട്ടികള് എന്നിവരെയാണ് വടുതലയിലെ വാടക വീടിനുള്ളില് മരിച്ച നിലയില് കണ്ടെത്തിയത്.
അശ്വതിയുടെ ഭർത്താവിന്റെ ആത്മഹത്യയുടെ പേരില് ബന്ധുക്കള് കുറ്റപ്പെടുത്തിയതിലുള്ള മാനസിക വിഷമമാണ് മരണകാരണമെന്നാണ് ആത്മഹത്യ കുറിപ്പിലുള്ളത്. അശ്വതിയുടെ ഭര്ത്താവ് നേരത്തെ ആത്മഹത്യ ചെയ്തിരുന്നു. ഇക്കാര്യങ്ങളെല്ലാം പരിശോധിച്ചുവരുകയാണെന്ന് എറണാകുളം സെന്ട്രല് എസിപി സി പ്രേമാനന്ദ് കൃഷ്ണ പറഞ്ഞു.
രണ്ട് മാസം മുൻപാണ് മകന്റെ ചികിത്സയ്ക്ക് എന്ന പേരില് വടുത കർഷക റോഡില് തിരുവനന്തപുരം സ്വദേശിയായ ശ്രീകുമാരി വീട് വാടകയക്ക് എടുത്തത്. രണ്ട് ദിവസമായി വീട്ടുകാരെക്കുറിച്ച് വിവരമൊന്നുമില്ലാതായതോടെ വിദേശത്തുള്ള വീട്ടുടമസ്ഥൻ ബന്ധുവിനോട് വീട് പരിശോധിക്കാൻ നിർദ്ദേശിക്കുകയായിരുന്നു. ശ്രീകുമാരിയെയും മകള് അശ്വതിയെയും തൂങ്ങിയ നിലയിലും കുട്ടികള് കട്ടിലില് വിഷം കഴിച്ച നിലയിലുമായിരുന്നു. മൃതദേഹത്തിന് രണ്ട് ദിവസത്തെ പഴക്കമുണ്ട്. കൊച്ചി സെൻട്രല് എസിപി അടക്കമുള്ള പൊലീസ് ഉദ്യോഗസ്ഥർ സ്ഥലത്ത് എത്തി ഇൻക്വസ്റ്റ് പൂർത്തിയാക്കി. സ്ഥലത്ത് നിന്ന് കിട്ടിയ ആതമഹത്യാക്കുറിപ്പില് അശ്വതിയുടെ ഭർത്താവിന്റെ ആത്മഹത്യയുമായി ബന്ധപ്പെട്ട പ്രശ്നങ്ങളാണ് കൂട്ട ആത്മഹത്യയ്ക്ക് കാരണമെന്നാണ് പൊലീസ് പറയയുന്നത്.
തിരുവനന്തപുരം കാരോട് സ്വദേശികളായ അശ്വതിയും അമ്മയും രണ്ട് മാസം മുൻപാണ് കൊച്ചിയിലെത്തിയത്. കരള് രോഗബാധിതനാൈയ അസ്വതിയുടെ ഭർത്താവിന്റെ ആത്മഹത്യക്ക് പിന്നാലെയാണ് വീട് വില്പ്പന നടത്തി കുടുംബം കൊച്ചിയിലേക്ക് മാറിയത്. 14,5 വയസ്സുള്ള ആണ് കുട്ടികളും രണ്ട് വയസ്സുള്ള പെണ്കുട്ടിയുമാണ് മരിച്ച് മൂന്ന് കുട്ടികള്. ഇതില് മൂത്ത കുട്ടി മാനസിക വെല്ലുവിളി നേരിടുന്നുണ്ട്. ഈ കുട്ടിയുടെ ചികിത്സയ്ക്കാണ് കൊച്ചിയിലെത്തിയതെന്നാണ് വീട്ടുടമസ്ഥനെ ഇവർ അറിയിച്ചത്. മൃതദേഹങ്ങള് പോസ്റ്റ് മോർട്ടം പൂർത്തിയാക്കി ബന്ധുക്കള്ക്ക് കൈമാറും.
