ഇടുക്കി ഉപ്പുതറയില് ഭർത്താവ് ഭാര്യയെ തലയ്ക്ക് അടിച്ചുകൊന്നു. ഉപ്പുതറ മലയക്കാവില് സ്വദേശിനി രജനിയാണ് കൊല്ലപ്പെട്ടത്. കുടുംബ കലഹമാണ് കൊലപാതകത്തിന് കാരണമെന്നാണ് പ്രാഥമിക നിഗമനം. ഭർത്താവ് സുബിനായി തിരച്ചില് നടത്തുകയാണ്. പൊലീസ് സംഭവ സ്ഥലത്തെത്തി അന്വേഷണം ആരംഭിച്ചു.
പൊലിസ് സ്ഥലത്തെത്തി ശാസ്ത്രീയ പരിശോധനകള് നടത്തി. മൃതദേഹം പോസ്റ്റ്മോർട്ടത്തിനായി മെഡിക്കല് കോളേജിലേക്ക് മാറ്റി. രതീഷിനെ കണ്ടെത്താനായി മൊബൈല് ടവർ കേന്ദ്രീകരിച്ചും സിസിടിവി ദൃശ്യങ്ങള് പരിശോധിച്ചും പൊലിസ് അന്വേഷണം വ്യാപിപ്പിച്ചിട്ടുണ്ട്.
സ്കൂള് വിട്ടെത്തിയ കുട്ടികള് കണ്ടത് ദാരുണ ദൃശ്യം: ഇന്നലെ ഉച്ചയ്ക്ക് ശേഷം സ്കൂള് കഴിഞ്ഞ് വീട്ടിലെത്തിയ കുട്ടികളാണ് അമ്മയെ വീട്ടിനുള്ളിലെ കട്ടിലില് അനക്കമില്ലാത്ത നിലയില് കണ്ടെത്തിയത്. കുട്ടികള് ഉടൻ തന്നെ അയല്വാസികളെ വിവരമറിയിക്കുകയായിരുന്നു. നാട്ടുകാർ അറിയിച്ചതനുസരിച്ച് ഉപ്പുതറ പൊലിസ് സ്ഥലത്തെത്തി ഇൻക്വസ്റ്റ് നടപടികള് ആരംഭിച്ചു.
