അപൂവ്വ രോഗമുള്ള ഒരു കുട്ടിയുടെ അമ്മ. തന്റെ ഭർത്താവിന് 520 ഓളം സ്ത്രീകളുമായി ബന്ധമുണ്ടെത്തി കണ്ടെത്തി. പിന്നാലെ ഭർത്താവിനെതിരെ പ്രതികാരം ചെയ്യാൻ തീരുമാനിച്ച അവർ സ്വന്തം കഥ, ഒരു ജാപ്പനീസ് മാംഗ കലാകാരിയുമായി ചേർന്ന് കോമിക് പുസ്തകമാക്കി. അത്യപൂർവ്വമായ പ്രതികാരം ഇൻറർനെറ്റില് വൈറലായി. ജപ്പാനിലാണ് സംഭവം നടന്നതെന്ന് സൗത്ത് ചൈന മോർണിംഗ് പോസ്റ്റ് റിപ്പോര്ട്ട് ചെയ്തു.ഒരു സുഹൃത്ത് വഴി പരിചയപ്പെട്ടയാളെയാണ് നെമു കുസാനോ വിവാഹം കഴിച്ചത്.
പിന്നീട് ഇരുവർക്കും ഒരു കുട്ടി ജനിച്ചു. എന്നാല്, ജന്മനാ തന്നെ കുട്ടിക്ക് അപൂർവ്വമായ ഒരു രോഗം ഉണ്ടായിരുന്നതായി ജാപ്പനീസ് മാസികയായ ഷുകാൻ ബൻഷുണിനെ ഉദ്ധരിച്ച് സൗത്ത് ചൈന മോർണിംഗ് പോസ്റ്റ് റിപ്പോർട്ട് ചെയ്യുന്നു. വീട്ടമ്മയായ കുസാനോ മകൻറെ ചികിത്സയ്ക്ക് വേണ്ടി തന്റെ ജീവിതം മാറ്റിവച്ചു. അവരുടെ ലോകം മകനിലേക്ക് മാത്രമായി ചുരുങ്ങി. എന്നാല് ഈ സമയം അവരുടെ ഭർത്താവ് മറ്റ് സ്ത്രീകളുമായി ബന്ധം സ്ഥാപിക്കുകയായിരുന്നു.
ഭർത്താവിന്റെ അവിഹിത ബന്ധം: ഭർത്താവിന്റെ പോക്കറ്റില് നിന്നും കോണ്ടം കണ്ടെത്തിയതോടെയാണ് അവർ ഭർത്താവിനെ കുറിച്ച് അന്വേഷിച്ച് തുടങ്ങിയത്. പിന്നാലെ അയാളുടെ ബാഗില് നിന്നും ലൈംഗീക വർദ്ധന മരുന്നുകളും ഉത്തേജന മരുന്നുകളും അവർക്ക് ലഭിച്ചു. എസ്കോർട്ടുകളും മുതിർന്ന സിനിമാ നടിമാരുമായി ഏതാണ്ട് 520 -ഓളം സ്ത്രീകളുമായി ഭർത്താവിന് ബന്ധമുണ്ടെത്ത് കണ്ടെത്തിയ അവർ അക്ഷരാർത്ഥത്തില് ഞെട്ടി. പിന്നാലെ ഇത് സംബന്ധിച്ച് വീട്ടില് അസ്വാരസ്യങ്ങള് ഉടലെടുത്തു.
