സോഷ്യല്മീഡിയയില് വൈറലായ ബന്ദാന യുവതിയുടെ വീഡിയോയെക്കുറിച്ച് വ്യാപക ചർച്ച. പ്രത്യേകിച്ച് ഒന്നും ചെയ്യാതെ ക്യാമറയില് പകർത്തിയ ലളിതമായ രണ്ട് സെക്കൻഡ് വീഡിയോയാണ് സോഷ്യല്മീഡിയയെ അമ്ബരപ്പിച്ചത്. @w0rdgenerator എന്ന ഇന്ത്യൻ ഉപയോക്താവ് പോസ്റ്റ് ചെയ്ത സെല്ഫി വീഡിയോ എക്സില് 10 കോടി കാഴ്ചക്കാരെ സ്വന്തമാക്കി ട്രെൻഡിങ്ങായിരിക്കുന്നു. വെളുത്ത വസ്ത്രവും, വെള്ളി ആഭരണങ്ങളും, ബന്ദനയും ധരിച്ച യുവതി, ഒരു ഓട്ടോറിക്ഷയില് യാത്ര ചെയ്യുമ്ബോള് ക്യാമറയിലേക്ക് നോക്കുന്ന, കഷ്ടിച്ച് രണ്ട് സെക്കൻഡ് ദൈർഘ്യമുള്ള വീഡിയോയാണ് ആളുകളെ അതിശയിപ്പിച്ചത്.
മേക്കപ്പ് ഏറ്റ് ടുഡേ എന്ന അടിക്കുറിപ്പോടെ മൂന്ന് ആഴ്ച മുമ്ബ് പങ്കിട്ട ഈ വീഡിയോ 100 ദശലക്ഷത്തിലേക്ക് അടുക്കുന്നു. മീമുകള്, അഭിനന്ദനങ്ങള്, എഡിറ്റുകള്, നർമ്മ വ്യാഖ്യാനങ്ങള് എന്നിവയാല് വീഡിയോ ടൈംലൈനുകളില് നിറഞ്ഞതോടെ ആഗോളതലത്തില് ശ്രദ്ധയാകർഷിച്ചു.മാധ്യമങ്ങള് ആ സ്ത്രീയെ പ്രിയങ്ക എന്നാണ് തിരിച്ചറിഞ്ഞത്. ഒറ്റരാത്രികൊണ്ട് അവർ ഇന്ത്യൻ സോഷ്യല് പ്ലാറ്റ്ഫോമുകളില് ഏറ്റവും കൂടുതല് ചർച്ച ചെയ്യപ്പെടുന്ന വ്യക്തിയായി ഒരാളായി മാറി.
വരുമാനത്തിന്റെ കാര്യത്തിലും ചർച്ച കൊഴുത്തു. രണ്ടാഴ്ചയ്ക്കുള്ളില് ആദ്യത്തെ 40 ദശലക്ഷം വ്യൂസ് നേടിയ ക്ലിപ്പ് കാരണം ലക്ഷക്കണക്കിന് രൂപ ലഭിക്കുമെന്ന് ചില ഉപയോക്താക്കള് വിശ്വസിക്കുന്നു. സോഷ്യല് മീഡിയ വിദഗ്ധരും പരിചയസമ്ബന്നരായ കണ്ടന്റ് പ്രൊഡ്യൂസേഴ്സും രണ്ട് സെക്കന്റ് വീഡിയോക്ക് അഞ്ച് ലക്ഷം രൂപ വരെ ലഭിക്കുമെന്ന് പറയുന്നു. എന്നാല്, പ്രീമിയം ഉപയോക്താക്കളില് നിന്നുള്ള പരസ്യ ഇംപ്രഷനുകളെയും ഇടപെടലിനെയും ആശ്രയിച്ചിരിക്കും വരുമാനം. ധനസമ്ബാദന മാനദണ്ഡങ്ങള് പാലിക്കുന്നില്ലെങ്കില്, പണം ഉറപ്പുനല്കുന്നില്ല.
