സമൂഹ മാധ്യമങ്ങളിലെ ഇപ്പോഴത്തെ ട്രെന്ഡിങ് താരമാണ് രേണു സുധി. ഓരോ ദിവസവും നിരവധി വീഡിയോകളാണ് രേണു സുധിയുടേതായി പുറത്തുവരുന്നത്. അതില് റീല്സുകള്ക്കും ഫോട്ടോ ഷൂട്ടുകള്ക്കും ആല്ബങ്ങള്ക്കും ലക്ഷക്കണക്കിന് കാഴ്ചക്കാരാണ് ഉള്ളത്. ഉദ്ഘാടന വേദികളിലേക്കും രേണു സുധിയെ മുഖ്യാതിഥിയായി ക്ഷണിച്ചു തുടങ്ങിയിട്ടുണ്ട്. നിരവധി ഓണ്ലൈന് മാധ്യമങ്ങളും രേണു എന്തുപറയുന്നു, എന്തു പ്രവര്ത്തിക്കുന്നു എന്നൊക്കെ അപ്പപ്പോള് സമൂഹ മാധ്യമങ്ങളില് പോസ്റ്റ് ചെയ്യുന്നുണ്ട്.
ഇപ്പോഴിതാ ബോബി ചെമ്മണ്ണൂരിനൊപ്പമുള്ള റാംപ് വാക്കാണ് സമൂഹ മാധ്യമങ്ങളില് ശ്രദ്ധ നേടുന്നത്. വധുമന്ത്ര ബ്രൈഡല് കോമ്ബറ്റീഷന് 2025 ലാണ് രേണു സുധി റാംപ് വാക്ക് ചെയ്തത്. ഫാഷന് ഷോയിലെ രേണുവിന്റെ ആറ്റിറ്റിയൂഡിനെ നിരവധി പേര് പ്രശംസിക്കുന്നുണ്ട്. രേണു സുധി, ബോബി ചെമ്മണ്ണൂര് നടി ബീന ആന്റണി എന്നിവര് ഒരുമിച്ചാണ് റാംപ് വാക്ക് ചെയ്യുന്നത്. രേണുവിന്റെ ഫാഷന് ഷോയിലെ ആറ്റിറ്റിയൂഡിന് വലിയ കയ്യടിയാണ് ലഭിക്കുന്നത്.
