വൈദ്യുതി ബിൽ ലാഭിക്കാൻ പുരപ്പുറത്ത് സോളാര്‍ സ്ഥാപിച്ച മലയാളികൾ മണ്ടന്മാരകും; അട്ടിമറി തന്ത്രവുമായി കെഎസ്ഇബി: വിശദാംശങ്ങൾ വായിക്കാം

ഇതിനായി ‘റിന്യൂവബിള്‍ എനർജി ആൻഡ് റിലേറ്റഡ് മാറ്റേഴ്സ്’ റഗുലേഷൻസില്‍ പുതിയ നിയന്ത്രണങ്ങള്‍ കൊണ്ടുവരാനാണ് നീക്കം. പുതിയ റെഗുലേഷൻസ് നിലവില്‍ വരുന്നതോടെ മൂന്ന് കിലോവാട്ടില്‍ കൂടുതല്‍ സോളാർ ഉല്‍പാദിപ്പിക്കുന്നവർക്ക് നെറ്റ് മീറ്റർ ഉപയോഗിക്കാനാവില്ല. പകല്‍ ഉല്‍പാദിപ്പിക്കുന്ന വൈദ്യുതി ശേഖരിച്ച്‌ വെയ്ക്കാൻ പണം മുടക്കി ബാറ്ററി വാങ്ങിവെച്ചാല്‍ അഞ്ച് കിലോവാട്ട് വരെ സോളാർ ഉല്‍പാദിപ്പിക്കുന്നവർക്കും നെറ്റ് മീറ്റർ വെയ്ക്കാം.

പകല്‍ ഉല്‍പാദിപ്പിച്ച്‌ ഗ്രിഡിലേക്ക് നല്‍കുന്ന സോളാർ വൈദ്യുതിയുടെ 66% മാത്രമേ വൈകിട്ട് ആറുമുതല്‍ രാത്രി 11.30വരെയുള്ള സമയത്ത് ഗ്രിഡില്‍ നിന്ന് എടുക്കാൻ പാടുള്ളുവെന്ന പുതിയ വ്യവസ്ഥയും നടപ്പാക്കും.ഇത് പരിഹരിക്കാൻ സോളാർ പ്ളാന്റിനൊപ്പം ബാറ്ററിയും സ്ഥാപിക്കണമെന്നതാണ് നിർദ്ദേശം.അത് ചെലവേറെ വരുന്ന നിർദ്ദേശമാണ്.നിക്ഷിപ്ത താല്പര്യങ്ങള്‍ മുൻനിറുത്തി സോളാറിനെ തളർത്താനാണ് നീക്കമെന്ന് ആക്ഷേപമുണ്ട്.

ഗ്രോസ് മീറ്റർ അടിച്ചേല്‍പിക്കാനും ജനറേഷൻ ഡ്യൂട്ടിയായി യൂണിറ്റിന് 15പൈസ വീതം ഈടാക്കാനും മുൻപ് നടത്തിയ നീക്കം ജനകീയ പ്രതിഷേധത്തെത്തുടർന്ന് ഉപേക്ഷിച്ചിരുന്നു.

സോളാർ വ്യാപിച്ചാല്‍ സ്വകാര്യ കരാർ വൈദ്യുതിക്ക് തിരിച്ചടി

80 ദശലക്ഷം യൂണിറ്റ്: കേരളം ഒരു ദിവസം ഉപയോഗിക്കുന്നത്

20 ദശലക്ഷത്തില്‍ താഴെ: കേരളത്തിലെ പ്രതിദിന ഉല്പാദനം

24-30 ദശലക്ഷം: കരാർ കമ്ബനികളില്‍ നിന്ന് പ്രതിദിനം വാങ്ങുന്നത്

40 ദശലക്ഷം: സോളാർ വ്യാപകമാവും മുമ്ബ് കരാർ കമ്ബനികളില്‍ നിന്ന് പ്രതിദിനം വാങ്ങിയിരുന്നത്

12000 കോടി രൂപ: പ്രതിവർഷം കരാർ കമ്ബനികള്‍ ഈടാക്കുന്നത്

ബാറ്ററി ചെലവ് 2.50ലക്ഷം

സാധാരണ കുടുംബത്തിന് എ.സി.ഉള്‍പ്പെടെയുള്ള ചെലവിന് 6 ബാറ്ററികളും നാല് പാനലും ഇൻവെർട്ടറും അടക്കമുള്ള ബാറ്ററി സ്റ്റോറേജ് സംവിധാനത്തിന് 2.50ലക്ഷം രൂപ ചെലവ് വരും.

സോളാർ പ്ളാന്റ് ചെലവ്

മൂന്ന് കിലോവാട്ട് പ്ളാന്റ് സ്ഥാപിക്കാൻ 2.25ലക്ഷംവും 5 കിലോവാട്ട് പ്ളാന്റിന് 3.35ലക്ഷവും ചെലവ് വരും.

78,000വരെ:

പുരപ്പുറ സോളാറിന്

സബ്സിഡി

1,51,922:

സംസ്ഥാനത്തെ

പുരപ്പുറ നിലയങ്ങള്‍