മുംബൈ: മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ് ഞായറാഴ്ച നാഗ്പൂരിൽ ഭാരതീയ ജനതാ പാർട്ടിയുടെ (ബിജെപി) അംഗത്വ ഡ്രൈവിൻ്റെ രജിസ്ട്രേഷൻ കാമ്പെയ്നിന് തുടക്കം കുറിച്ചുകൊണ്ട് ഒരു സമ്മേളനത്തെ അഭിസംബോധന ചെയ്തു കൊണ്ട് സംസാരിക്കുകയായിരുന്നു ഇക്കാര്യം.ജനങ്ങളുടെ ഉടമസ്ഥതയിലുള്ള ഒരേയൊരു പാർട്ടി ബിജെപിയാണെന്ന് യോഗത്തെ അഭിസംബോധന ചെയ്ത് മുഖ്യമന്ത്രി പറഞ്ഞു.
“ബിജെപി ഒഴികെ മറ്റെല്ലാ പാർട്ടികളും സ്വകാര്യ ഉടമസ്ഥതയിലുള്ള പാർട്ടികളാണ്. ഇപ്പോൾ ജനങ്ങളുടെ ഉടമസ്ഥതയിലുള്ള ഒരേയൊരു പാർട്ടി ബിജെപിയാണ്. താഴെ മുതൽ മുകളിലേക്ക് ജനാധിപത്യപരമായി പ്രവർത്തിക്കുന്ന പാർട്ടിയാണ് ബിജെപി. ചായ വിൽപനക്കാരൻ ബിജെപിയിൽ മാത്രമാണ്.അദ്ദേഹത്തിന് രാജ്യത്തിൻ്റെ പ്രധാനമന്ത്രിയുമാകാം-മുഖ്യമന്ത്രി പറഞ്ഞു.ഞായറാഴ്ച മുതൽ ഒരേസമയം ഒരു ലക്ഷം ബൂത്തുകളിൽ മെമ്പർഷിപ്പ് ഡ്രൈവ് ആരംഭിച്ചതായി സോഷ്യൽ മീഡിയ എക്സിൽ ഫഡ്നാവിസ് ഒരു പോസ്റ്റിൽ കുറിച്ചു.
