മുംബൈ:ലോക്കൽ ട്രെയിനിലെ സീറ്റിനെ ചൊല്ലിയുണ്ടായ തർക്കത്തെ തുടർന്ന് മുംബൈ ഘാട്കോപ്പർറെയിൽവേ സ്റ്റേഷനിലാണ് പതിനാറുകാരൻ ഒരാളെ കുത്തിക്കൊന്നത്.സംഭവം നടന്നതിന് ശേഷം ആക്രമണവുമായി ബന്ധപ്പെട്ട് പോലീസ് കൗമാരക്കാരനെ കസ്റ്റഡിയിലെടുക്കുകയും 16 കാരന്റെ ജ്യേഷ്ഠനെ അറസ്റ്റ് ചെയ്യുകയും ചെയ്തു.കുർള റെയിൽവേ പോലീസ് പറയുന്നതനുസരിച്ച്, ഇരയായ അങ്കുഷ് ഭഗവാൻ ഭലേറാവു(54) ടിറ്റ്വാലയിൽ നിന്ന് ഛത്രപതി ശിവജി മഹാരാജ് ടെർമിനസിലേക്കുള്ള ഫാസ്റ്റ് ട്രെയിനിൽ യാത്ര ചെയ്യുക യായിരുന്നു .യാത്രയ്ക്കിടെ, ഭലേറാവുവും പ്രായപൂർത്തിയാകാത്ത കുട്ടിയും തമ്മിൽ സീറ്റിനെച്ചൊല്ലി തർക്കമുണ്ടായി, ഭലേറാവു കുട്ടിയെ തല്ലിയതോടെ തർക്കം രൂക്ഷമായി മാറി.എന്നാൽ അടുത്ത ദിവസം രാവിലെ, ഭലേറാവു അതേ ട്രെയിനിൽ ഘട്കോപ്പറിലേക്ക് കയറി,സ്റ്റേഷനിൽ എത്തി പ്ലാറ്റ്ഫോമിൽ ഇറങ്ങി നടക്കുമ്പോൾ. കൗമാരക്കാരൻ കത്തി ഉപയോഗിച്ച് ആക്രമിച്ചു.ഗുരുതരമായി പരിക്കേറ്റ ഭലേറാവുവിനെ രാജവാഡി ആശുപത്രിയിൽ എത്തിച്ചെങ്കിലും മരണം സ്ഥിരീകരിച്ചു.സിസിടിവി ദൃശ്യങ്ങളുടെ അടിസ്ഥാനത്തിൽ, പ്രായപൂർത്തിയാകാത്തയാളെ പോലീസ് കസ്റ്റഡിയിലെടുക്കുകയും തെളിവുകൾ മറച്ചുവെക്കാൻ സഹായിച്ച മൂത്ത സഹോദരനെ അറസ്റ്റ് ചെയ്യുകയും ചെയ്തു.ചോദ്യം ചെയ്യലിൽ, കൗമാരക്കാരൻ കൊലപാതകം സമ്മതിച്ചു, തൻ്റെ വീടിൻ്റെ മേൽക്കൂരയിൽ കത്തി ഒളിപ്പിച്ചതായും തിരിച്ചറിയാതിരിക്കാൻ മുടി മുറിച്ചതായും വെളിപ്പെടുത്തി. പ്രായപൂർത്തിയാകാത്ത കുട്ടിയെ ജുവനൈൽ ഡിറ്റൻഷൻ സെൻ്ററിലേക്ക് അയച്ചിരിക്കുകയാണ്.
