അന്തരിച്ച സിപിഎം നേതാവ് എംഎം ലോറൻസിന്റെ മൃതദേഹം പൊതുദർശനത്തിന് വെക്കുന്ന ടൗണ്ഹാളില് നാടകീയ രംഗങ്ങള്. ലോറിൻസിന്റ മകള് മൃതദേഹത്തിന്റെ അരികില് നിന്നതോടെ മൃതദേഹം പുറത്തേക്കെടുക്കാൻ കഴിഞ്ഞില്ല. ഈ സമയം വനിതാ പ്രവർത്തകർ മുദ്രാവാക്യം വിളി തുടർന്നു.
മകളും വനിതാ പ്രവർത്തകരും തമ്മില് ചെറിയ രീതിയില് ഉന്തും തള്ളുമുണ്ടായി. ഇതിനിടെ, മകളുടെ മകനും രംഗത്തെത്തിയതോടെ വളണ്ടിയർമാരുമായി ഉന്തും തള്ളുമുണ്ടായി. മകളെ ബലം പ്രയോഗിച്ച് മാറ്റിയതോടെ മൃതദേഹം പുറത്തേക്കെടുത്തു.
എംഎം ലോറൻസിന്റെ മൃതദേഹം മെഡിക്കല് കോളേജിന് കൈമാറാനുള്ള തീരുമാനത്തിനെതിരെ മകള് ആശ നല്കിയ ഹര്ജിയില് വിധി വരുന്നത് വരെ മോര്ച്ചറിയില് സൂക്ഷിക്കാന് ഹൈക്കോടതി നിര്ദേശം. ഹര്ജിയില് അന്തിമ തീരുമാനം വരും വരെ ലോറന്സിന്റെ മൃതദേഹം പഠന ആവശ്യങ്ങള്ക്ക് കൈമാറരുതെന്നും തത്ക്കാലം ആശുപത്രി മോർച്ചറിയില് സൂക്ഷിക്കാനുമാണ് ഹൈക്കോടതി നിര്ദേശം നല്കിയിരിക്കുന്നത്. ലോറൻസിന്റെ മൃതദേഹം നാല് മണിക്ക് തന്നെ മെഡിക്കല് കോളേജിന് കൈമാറും.
