സംസ്ഥാനത്ത് കനത്ത മഴ തുടരുന്ന സാഹചര്യത്തില് ഇടുക്കി ജില്ലയിലെ പ്രൊഫഷണല് കോളേജുകള് അടക്കമുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് നാളെ (22-10-2025) അവധി പ്രഖ്യാപിച്ചു. വിദ്യാർത്ഥികള് താമസിച്ചു പഠിക്കുന്ന റസിഡൻഷ്യല് സ്ഥാപനങ്ങള്ക്ക് അവധി ബാധകം ആയിരിക്കില്ലെന്ന് ജില്ല കളക്ടർ അറിയിച്ചു. ജില്ലയില് അതിതീവ്ര മഴ പെയ്യാനുള്ള സാധ്യതയുള്ളതിനാല് റെഡ് അലര്ട്ട് പ്രഖ്യാപിച്ചിട്ടുണ്ട്.
കാലാവസ്ഥ മുന്നറിയിപ്പ്
സംസ്ഥാനത്ത് നാളെ അതിതീവ്ര മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിൻ്റെ മുന്നറിയിപ്പ്. നാളെ മൂന്ന് ജില്ലകളില് റെഡ് അലേർട്ട് പ്രഖ്യാപിച്ചിട്ടുണ്ട്. ഇടുക്കി, പാലക്കാട്, മലപ്പുറം ജില്ലകളിലാണ് അതിതീവ്ര മഴ മുന്നറിയിപ്പ് നല്കിയത്. അതോടൊപ്പം നാളെ ഏഴ് ജില്ലകളില് ഓറഞ്ച് അലേർട്ട് മുന്നറിയിപ്പും നല്കിയിട്ടുണ്ട്.കോഴിക്കോട്, വയനാട്, തൃശൂർ, എറണാകുളം, കോട്ടയം, ആലപ്പുഴ, പത്തനംതിട്ട ജില്ലകളില് നാളെ ഓറഞ്ച് അലേർട്ടുള്ളത്. മറ്റു നാല് ജില്ലകള്ക്ക് യെല്ലോ അലേർട്ട് മുന്നറിയിപ്പും നല്കിയിട്ടുണ്ട്.
