ടെലികോം സേവനദാതാക്കളായ ജിയോയുടെ നെറ്റ്വര്ക്ക് പ്രവര്ത്തനരഹിതമായി. ജിയോമൊബൈല്, ജിയോഫൈബര് സേവനങ്ങളില് തടസ്സം നേരിടുന്നതായി നിരവധി ഉപഭോക്താക്കള്പരാതിപ്പെട്ടു. ജിയോ നെറ്റ്വർക്കുകളില് കോള് ചെയ്യാനാകുന്നില്ലെന്നും കോള് ഡ്രോപ്പുകള്നേരിടുന്നുണ്ടെന്നുമാണ് പരാതി.
ഇന്ന് ഉച്ച മുതലാണ് ജിയോ സേവനങ്ങള് തകരാറിലായത്. ജിയോ നെറ്റ്വര്ക്ക് ഡൗണായതായിസോഷ്യല് മീഡിയ പ്ലാറ്റ്ഫോമായ എക്സില് നിരവധി പേര് പോസ്റ്റ് ചെയ്തിരിക്കുന്നതും കാണാം.ജിയോയുടെ മൊബൈല് ഇന്റര്നെറ്റ് ലഭ്യമല്ല എന്നായിരുന്നു കൂടുതല് ഉപഭോക്താക്കളുടെയുംപരാതി.
മൊബൈല് കോളുകള് ലഭിക്കുന്നില്ല, ജിയോഫൈബര് തടസപ്പെട്ടു എന്നിങ്ങനെയുള്ളഉപഭോക്തൃ പരാതികളായിരുന്നു തൊട്ടുപിന്നിലുണ്ടായിരുന്നത്. എന്നാൽ ഇപ്പോൾ നെറ്റ്വർക്ക് വീണ്ടും അപ്പായി എന്ന് റിപ്പോർട്ടുകളും പുറത്തുവരുന്നുണ്ട്. ഇതുമായി ബന്ധപ്പെട്ട് ജിയോയുടെ ഭാഗത്തുനിന്ന് ഇതുവരെ ഔദ്യോഗിക പ്രതികരണങ്ങൾ ഒന്നും ലഭ്യമായിട്ടില്ല.
