മുംബൈ:കോൺഗ്രസിൽ ചേരാനായി ശിവസേന (യുബിടി) നേതാവ് സഞ്ജയ് റാവത്ത് ഡൽഹിയിലെ ഒരു കോൺഗ്രസ് നേതാവുമായി ചർച്ച നടത്തുന്നുണ്ടെന്ന് മഹാരാഷ്ട്ര മന്ത്രിയും ബിജെപി എംഎൽഎയുമായ നിതേഷ് റാണെ. റൗത്തിൻ്റെ രാജ്യസഭാ കാലാവധി അവസാനിക്കുകയാണെന്നും ഉദ്ധവ് താക്കറെയുടെ നേതൃത്വത്തിലുള്ള പാർട്ടിക്ക് മറ്റൊരു ടേമിലേക്ക് വിജയം ഉറപ്പാക്കാൻ മതിയായ നിയമസഭാംഗങ്ങളില്ലെന്നും റാണെ ചൂണ്ടിക്കാട്ടി.
നവംബറിൽ നടന്ന തെരഞ്ഞെടുപ്പിൽ 288 അംഗ മഹാരാഷ്ട്ര നിയമസഭയിൽ ശിവസേന (യുബിടി) 20 സീറ്റുകളാണ് നേടിയത്.റാവത്ത് എത്രനാൾ ശിവസേനയിൽ (യുബിടി) തുടരുമെന്ന് സാമ്നയിൽ (ഉദ്ധവ് താക്കറെയുടെ നേതൃത്വത്തിലുള്ള പാർട്ടിയുടെ മുഖപത്രം) എഴുതണം.കോൺഗ്രസിൽ ചേരാൻ ഡൽഹിയിൽ ചർച്ച നടത്തുന്ന നേതാവിനെ കുറിച്ച് എഴുതണം. ഈ വിഷയത്തിൽ അദ്ദേഹം ഒരു പ്രസ്താവനയും നടത്തണം,” റാണെ മാധ്യമപ്രവർത്തകരോട് പറഞ്ഞു.
മുഖ്യമന്ത്രി ദേവേന്ദ്ര ഫഡ്നാവിസും ഉപ മുഖ്യമന്ത്രിയും ശിവസേന നേതാവുമായ ഏകനാഥ് ഷിൻഡെയും തമ്മിലുള്ള അഭിപ്രായവ്യത്യാസം സംസ്ഥാനത്തെ ഭരണത്തെ ബാധിക്കുന്നുവെന്ന റാവത്തിന്റ പരാമർശത്തിൻ്റെ പശ്ചാത്തലത്തിലായിരുന്നു റാണെയുടെ ഈ പരാമർശം.
