വിദേശത്ത് പഠിക്കാനായി പോകുന്ന വിദ്യാർത്ഥികളും ജോലിക്കായി പോകുന്ന യുവാക്കളുമെല്ലാം നേരിടുന്ന പ്രധാന പ്രശ്നമാണ് അവിടുത്തെ ജീവിതച്ചെലവ്.അതുപോലെ, ലണ്ടനില് താമസിക്കുന്ന ഒരു ഇന്ത്യൻ യുവാവിന്റെ വീഡിയോയാണ് ഇപ്പോള് വൈറലായിക്കൊണ്ടിരിക്കുന്നത്.
ലണ്ടനില് താൻ ഒരുലക്ഷം രൂപ കൊടുത്ത് താമസിക്കുന്ന ഫ്ലാറ്റിന്റെ അവസ്ഥയാണ് യുവാവ് വിവരിക്കുന്നത്.അത് കൂലിത്തൊഴിലാളികളും മറ്റും താമസിക്കുന്ന ചെറിയ മുറികളുടെ സൗകര്യം മാത്രമുള്ളതാണ് എന്നാണ് യുവാവിന്റെ പരാതി. ആര്യൻ ഭട്ടാചാര്യ എന്ന യുവാവാണ് തന്റെ മുറിയെ കുറിച്ചുള്ള വീഡിയോ ഷെയർ ചെയ്തിരിക്കുന്നത്.ഇങ്ങനെയൊരു സ്ഥലത്ത് താമസിക്കേണ്ടി വരുന്നതിന്റെ നിരാശയും സങ്കടങ്ങളുമെല്ലാം ആര്യന്റെ വീഡിയോയില് കാണാം.
ഒപ്പം മുറിയിലെ വിവിധ കാര്യങ്ങളും ആര്യൻ വീഡിയോയില് വിശദീകരിക്കുന്നുണ്ട്. അതിനിടയില് ക്യാമറ റൂഫിലേക്ക് തിരിക്കുമ്ബോള് അവിടെ നിന്നും ചോരുന്നതും വെള്ളം വീഴുന്നതും കാണാം.പ്ലംബർ രാത്രിയില് വരാത്തതിനാല് വെള്ളം വീഴുന്നിടത്ത് പാത്രങ്ങള് വച്ചിരിക്കയാണ് എന്നും യുവാവ് പറയുന്നുണ്ട്. പാൻ അടക്കം വിവിധ പാത്രങ്ങള് ഇങ്ങനെ വെള്ളം പിടിക്കുന്നതിന് വേണ്ടി എടുത്തുവച്ചിരിക്കുന്നത് കാണാം.
