നവിമുംബൈ:ജനുവരി ഒന്നിന് പുലർച്ചെ പൻവേൽ ജിആർപിയിൽ ജോലി ചെയ്തിരുന്ന ജിആർപി കോൺസ്റ്റബിളിനെ കൊലപ്പെടുത്തിയ പ്രതിയെ തിരിച്ചറിയാൻ 24 രൂപയുടെ ജി പേ ഇടപാട് സഹായകമായി. കൊല്ലപ്പെട്ടത് പോലീസ് കോൺസ്റ്റബിൾ വിജയ് ചവാൻ (42) ആണെന്ന് കണ്ടെത്തിയിരുന്നു. ഭാര്യ പൂജ ചവാൻ തൻ്റെ കാമുകനും സുഹൃത്തുക്കളുമായ ചേർന്ന് നടത്തിയ ഗൂഢാലോചനയുടെ ഫലമായാണ് ചവാൻ കൊല്ലപ്പെട്ടത്.
കൊല്ലപ്പെട്ട ചവാന്റെ ഭാര്യക്ക് ബന്ധമുണ്ടായിരുന്ന ഭൂഷൺ നിംബ ബ്രാഹ്മണെ (29) ആണ് മുഖ്യപ്രതി, ബ്രാഹ്മണെയുടെ സുഹൃത്തുക്കളായ പ്രകാശ് എന്ന ധീരജ് ഗുലാബ് ചവാൻ (23), പ്രവീൺ ആബ പാൻപാട്ടിൽ (21) എന്നിവരും കൂട്ടു പ്രതികളാണ്. കൊല്ലപ്പെട്ട ചവാന്റെ ഭാര്യയെ ചോദ്യം ചെയ്യാൻ വിളിച്ചിട്ടുണ്ടെന്നും പോലീസ് പറഞ്ഞു.
അന്വേഷണത്തിൽ, ഡിസംബർ 31-ന് രാത്രി പ്രകാശ് ചവാൻ വിജയ് ചവാനെ പ്രതികൾ മുൻകൂട്ടി നിശ്ചയിച്ച പദ്ധതി പ്രകാരം മദ്യം നൽകി മയക്കിയതായി കണ്ടെത്തി. അതിനുശേഷം, ബ്രാഹ്മണൻ തൻ്റെ രണ്ട് സഹായികളുടെ സഹായത്തോടെ മരിച്ചയാളെ കഴുത്ത് ഞെരിച്ച് കൊല ചെയ്യുകയായിരുന്നു. പിന്നീട് മരണം റെയിൽവേ അപകടമാണെന്ന് വരുത്തിത്തീർക്കാൻ, അവർ മൃതദേഹം ഓടുന്ന ലോക്കൽ ട്രെയിനിന് മുന്നിൽ തള്ളിയിടുകയായിരുന്നു, ”ഡെപ്യൂട്ടി പോലീസ് കമ്മീഷണർ (ജിആർപി) മനോജ് പാട്ടീൽ പറഞ്ഞു.
ചവാൻ്റെ ഭാര്യ പൂജ ഭൂഷൻ നിംബ ബ്രാഹ്മണുമായി വിവാഹേതര ബന്ധത്തിലായിരുന്നുവെന്ന് പോലീസ് പറഞ്ഞു. ബ്രാഹ്മണനൊപ്പം കഴിയാനായി ഭർത്താവിനെ ഇല്ലാതാക്കാൻ ഭാര്യ ആഗ്രഹിച്ചതായും പോലീസ് പറഞ്ഞു.ഡിസംബർ 31 ന് രാവിലെ പ്രകാശ് വിജയ്യെ വിളിച്ച് പുതുവത്സരാഘോഷത്തിന് ഒരു പാർട്ടി ക്രമീകരിക്കാൻ പറഞ്ഞു. അന്ന് വൈകുന്നേരം, കൊല്ലപ്പെട്ട ചവാനും പ്രതിയും ഒരു കാറിൽ ഇരുന്ന് മദ്യപിച്ചു ,പിന്നീട് ഒരു സ്റ്റാളിൽ നിന്ന് ഭുർജി പാവ് വാങ്ങി ചവാൻ Gpay വഴി പണമടച്ചു. അതായിരുന്നു അദ്ദേഹം നടത്തിയ അവസാനത്തെ ജിപേ ഇടപാട്. പോലീസ് പിന്നീട് സ്റ്റാളും പരിസരത്തെ സിസിടിവി ദൃശ്യങ്ങളും കണ്ടെത്തുകയും കൂടെയുണ്ടായിരുന്നവരെ പിടികൂടുകയും ആയിരുന്നു”. ഉദ്യോഗസ്ഥൻ പറഞ്ഞു.”കാറിനുള്ളിൽ വെച്ച് കഴുത്ത് ഞെരിച്ച് കൊലപ്പെടുത്തിയ ശേഷം പ്രതികൾ മൃതദേഹം ട്രാൻസ്-ഹാർബർ റൂട്ടിലെ റബാലെ, ഘാൻസോളി സ്റ്റേഷനുകൾക്കിടയിലുള്ള ട്രാക്കുകൾക്ക് സമീപമുള്ള കുറ്റിക്കാട്ടിൽ ഒളിക്കുക ആയിരുന്നു.
ആദ്യത്തെ ലോക്കൽ ട്രെയിൻ വരുന്നതുവരെ അവർ ഏകദേശം നാല് മണിക്കൂറോളം അവിടെ ഒളിച്ചു. ട്രെയിൻ അടുത്തെത്തിയപ്പോൾ, അവർ ചവാൻ്റെ മൃതദേഹം ട്രാക്കിലേക്ക് തള്ളിയിട്ടു, ട്രെയിൻ ഇടിച്ചുണ്ടായ അപകട മരണമാണെന്ന് വരുത്തിത്തീർക്കാൻ ശ്രമിച്ചു.എന്നാൽ, കൃത്യസമയത്ത് മൃതദേഹം ശ്രദ്ധയിൽപ്പെട്ട ട്രെയിനിൻ്റെ മോട്ടോർമാൻ റെയിൽവേ ഡിപ്പാർട്മെന്റ് നെ അറിയിച്ച് ട്രെയിൻ നിർത്തി.തുടർന്നുള്ള അന്വേഷണത്തിൽ നാല് പ്രതികളും അറസ്റ്റിലായി, എല്ലാവരും പോലീസ് കസ്റ്റഡിയിലാണ്, ”ഡിസിപി പാട്ടീൽ പറഞ്ഞു.
