മുംബൈ: ഭാര്യയുടെ ഭർത്താവിനോടുള്ള ക്രൂരതയോടെയുള്ള പെരുമാറ്റം കണക്കിലെടുത്ത് ഭാര്യയ്ക്കെതിരെ കോടതിയെ സമീപിച്ച താനെ സ്വദേശിയായ യുവാവിന് താനെ അഡ്ഹോക്ക് ജില്ലാ ജഡ്ജിയും അഡീഷണൽ സെഷൻസ് ജഡ്ജിയും വിവാഹമോചനം അനുവദിച്ചു. ഭാര്യയോടൊപ്പം താമസിക്കാൻ ഭർത്താവ് പലതവണ ശ്രമിച്ചിട്ടും കഴിഞ്ഞിരുന്നില്ല. ഒടുവിൽ ഒരുമിച്ചു താമസിക്കാൻ കോടതി നിരവധി നോട്ടീസുകൾ ഭാര്യക്ക് അയച്ചിട്ടും ഭാര്യ അതിനോട് പ്രതികരിക്കുകയോ ചെയ്തിട്ടില്ലെന്ന്ഡിക്രി പാസാക്കുന്നതിനിടെ കോടതി വ്യക്തമാക്കി.
കോടതി ഉത്തരവിൽ ഇങ്ങനെ പറഞ്ഞു: “ഹരജിക്കാരൻ്റെ തെളിവുകൾ വ്യക്തമായി കാണിക്കുന്നത് വിവാഹശേഷം ശാരീരികമായും മാനസികമായും ഭാര്യ മോശമായി പെരുമാറിയെന്നതാണ്. കൂടാതെ 2020 ഓഗസ്റ്റിൽ ഭാര്യ സ്വന്തം ഇഷ്ടപ്രകാരം ഭർത്താവിനെ ഉപേക്ഷിച്ചുവെന്നും കണ്ടെത്തി. ഭർത്താവ് പലതവണ ശ്രമിച്ചിട്ടും ഭാര്യ മടങ്ങി വരാൻ തയ്യാറായില്ല.ഹർജി സമർപ്പിക്കുന്നതിന് തൊട്ടുമുമ്പ് രണ്ട് വർഷം തുടർച്ചയായ കാലയളവ് ഭാര്യ തന്നോട് ക്രൂരമായി പെരുമാറുകയും ചെയ്തു. അതിനാൽ, അയാൾക്ക് വിവാഹമോചന ഉത്തരവിന് അർഹതയുണ്ട്.”
വിവാഹമോചന ഹർജിയിൽ പറയുന്നത്, ഇപ്പോൾ വേർപിരിഞ്ഞ ദമ്പതികളുടെ വിവാഹം 2015 ൽ കൊൽക്കത്തയിൽ വച്ചായിരുന്നു. 25 വയസ്സുള്ള ഭാര്യ, വിവാഹത്തിലേക്ക് കടക്കുന്നതിന് മുമ്പ് തന്നെ തന്നോട് മോശമായി പെരുമാറാൻ തുടങ്ങിയെന്ന് അന്ന് 29 വയസ്സുള്ള ഭർത്താവ് ഹർജിയിൽ അവകാശപ്പെട്ടു. ഇത്തരം പെരുമാറ്റം കാരണം, ഡിവോഴ്സ് ആഗ്രഹിക്കുന്നുവെന്നും ഭർത്താവ് സഹോദരനെ അറിയിച്ചു.
ഭാര്യ തന്നെ പീഡിപ്പിക്കുകയും അടുക്കള പാത്രങ്ങൾ കൊണ്ട് മർദിക്കുകയും ചെയ്തതോടെ കാര്യങ്ങൾ കൂടുതൽ വഷളായതായി പരാതിക്കാരനായ ഭർത്താവ് അവകാശപ്പെട്ടു. ഈ പെരുമാറ്റവും അവൾ അവനോടൊപ്പം താമസിക്കുന്നത് നിർത്തിയതും കണക്കിലെടുത്ത്, ഭർത്താവ് 2024 മെയ് മാസത്തിൽ ഭാര്യയിൽ നിന്ന് വേർപിരിയണമെന്ന് ആവശ്യപ്പെട്ട് വിവാഹമോചന ഹർജി നൽകുകയായിരുന്നു.
