ബുള്ളറ്റ് നിയന്ത്രണം വിട്ട് റോഡരികിലെ മതിലിലേക്ക് ഇടിച്ചു കയറി വിദ്യാര്ത്ഥി മരിച്ചു. അമ്ബലക്കണ്ടി കുഴിമ്ബാട്ടില് ചേക്കു-ശമീറ ദമ്ബതിമാരുടെ മകന് മുഹമ്മദ് ജസീം(19) ആണ് മരിച്ചത്.
സഹോദരന് മുഹമ്മദ് ജിന്ഷാദ് പരിക്കുകളോടെ കോഴിക്കോട് സ്വകാര്യ ആശുപത്രിയില് ചികിത്സയിലാണ്. ജിന്ഷാദിന്റെ പരിക്ക് സാരമുള്ളതല്ല എന്നാണ് ലഭിക്കുന്ന വിവരം.
ഇന്ന് പുലര്ച്ചെ 1.45ഓടെ മുക്കം വട്ടോളി പറമ്ബിലാണ് അപകടം നടന്നത്. ഇരുവരും കോഴിക്കോട് മാങ്കാവിലെ പുതിയ ലുലു മാള് സന്ദര്ശിച്ച് മടങ്ങി വരികയായിരുന്നു. ഇടിയുടെ ആഘാതത്തില് മതിലിനും ബൈക്കിനും ഇടയില് കുടുങ്ങിപ്പോയ അവസ്ഥയിലായിരുന്നു ജസീം. ഓടിക്കൂടിയ നാട്ടുകാരും സ്ഥലത്തെത്തിയ അഗ്നിരക്ഷാസേനയുമാണ് രക്ഷാപ്രവര്ത്തനം നടത്തിയത്.
ജസീമിന്റെ മൃതദേഹം കോഴിക്കോട് മെഡിക്കല് കോളേജ് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. പോസ്റ്റ്മോര്ട്ടം നടപടി പൂര്ത്തിയായ ശേഷം ബന്ധുക്കള്ക്ക് വിട്ടുനല്കും. തുടര്ന്ന് അമ്ബലക്കണ്ടി പുതിയോത്ത് ജുമാമസ്ജിദ് ഖബര്സ്ഥാനില് ഖബറടക്കും. വേങ്ങര പിപിടിഎം ആര്ട്സ് ആന്റ് സയന്സ് കോളേജ് ബികോം രണ്ടാം വര്ഷ വിദ്യാര്ത്ഥിയായിരുന്നു ജസീം.
