യുകെ സാമ്പത്തിക പ്രതിസന്ധിയുടെ പിടിയിൽ; കുതിച്ചുയർന്നു വീട്ടുവാടകകൾ; കുടിയേറ്റ സ്വപ്നങ്ങളുമായി നടക്കുന്ന മലയാളികൾക്കടക്കം വൻ തിരിച്ചടി: വിശദാംശങ്ങൾ വായിക്കാം

വാടക വീടുകളുടെ മാത്രമല്ല, മറ്റ് പ്രോപ്പർട്ടികളുടെയും നിരക്ക് ഉയരുകയാണ്. സമീപ വർഷങ്ങളിലും നിരക്ക് വർധന തുടരുമെന്നാണ് സൂചന. ബാങ്ക് ഓഫ് ഇംഗ്ലണ്ട് പലിശ നിരക്ക് കുറച്ചിരിക്കുന്നതിനാല്‍ ലോണ്‍ എടുത്ത് വീട് വാങ്ങാനും സ്ഥലം വാങ്ങാനും തയ്യാറായി നിരവധിപേർ മുന്നോട്ട് വരുന്നുണ്ട്.

ഇത് വീടുകളുടെ ഡിമാൻഡും ഉയർത്തുന്നു. ഈ അവസരം പ്രോപ്പർട്ടി ഡവലപ്പർമാരും വാടകക്ക് വീടു നല്‍കുന്നവരും ഒക്കെ മുതലാക്കിക്കൊണ്ടിരിക്കുന്നു.

റെക്കോര്‍ഡ് വാടകയാണ് ബ്രിട്ടനിലിപ്പോള്‍. സ്റ്റുഡിയോ അപ്പാർട്മെൻ്റുകളും ചെറിയ വീടുകളും ഒന്നും കിട്ടാനില്ലാത്തതാണ് സ്ഥിതി. പുതിയ പ്രോപ്പര്‍ട്ടികള്‍ക്കായി ചോദിക്കുന്ന ശരാശരി വാടക പ്രതിമാസം 1.40 ലക്ഷം രൂപയായാണ്. ലണ്ടനില്‍ ആണെങ്കില്‍ തുക വീണ്ടും ഉയരും.

വരും വർഷങ്ങളിലും വില കുതിക്കും

യുകെയിലെ പ്രോപ്പർട്ടി മാർക്കറ്റിലെ വലിയ കുതിച്ചുചാട്ടം വരും വർഷങ്ങളിലും തുടരുമെന്നാണ് സൂചന. കഴിഞ്ഞ പത്ത് മാസത്തിലെ ഏറ്റവും വലിയ വിലക്കയറ്റമാണ് വിപണിയില്‍ ഉണ്ടായിരിക്കുന്നത്.

വീടുകളുടെ വിലയില്‍ ഏകദേശം 1.5 ശതമാനം മുതലാണ് വർധന. ശരാശരി ഭവന വില 5.7 ലക്ഷം രൂപയാണ് വർധിച്ചിരിക്കുന്നത്. 370,000 പൗണ്ടൊക്കെ സാധാരണമായിരിക്കുന്നു.

യുകെയിലെ ഏറ്റവും വലിയ പ്രോപ്പർട്ടി വെബ്സൈറ്റ് ആയ റൈറ്റ് മൂവിൻ്റെ കണക്കുകള്‍ അനുസരിച്ച്‌ വീടുകള്‍ വാങ്ങാൻ ശ്രമിക്കുന്നവരുടെ എണ്ണത്തിലുള്ള വർദ്ധനവും വീടിൻ്റെ വില കുതിച്ചുയരാനുള്ള കാരണമാണ്.

പ്രോപ്പർട്ടി മാർക്കറ്റില്‍ മുതല്‍ മുടക്കിയവരെ സംബന്ധിച്ചിടത്തോളം വില വർദ്ധനവ് ഗുണകരമായ കാര്യമാണ്. എന്നാല്‍ യുകെയിലെത്തി ഒരു വീട് സ്വന്തമാക്കാൻ ആഗ്രഹിക്കുന്ന പുതിയ കുടിയേറ്റക്കാർക്ക് ഇത് തിരിച്ചടിയാണ്.

വാടകയ്ക്ക് വീടുകള്‍ അന്വേഷിക്കുന്നവർക്ക് നിലവിലെ സാഹചര്യത്തില്‍ വാടക വീടിനായി വൻ തുകയാണ് ചെലവഴിക്കേണ്ടി വരുന്നത്. യുകെയിലെ സാമ്ബത്തിക മാന്ദ്യവും നിലവിലെ സാഹചര്യങ്ങളും പരിശോധിച്ചാല്‍ ഇനി കുടിയേറ്റം ലക്ഷ്യമിടുന്നവർക്ക് യുകെ ആത്ര ആകർഷകമായ ഒരു ഓപ്ഷനാകില്ല.

മദ്ധ്യവർഗവരുമാനക്കാർ പട്ടിണിയിലാകുന്നതും തൊഴിലില്ലായ്മയും പണപ്പെരുപ്പവും ഉയരുന്നതുമൊക്കെയാണ് ഇപ്പോഴത്തെ കാഴ്ചകള്‍.