സ്ത്രീത്വത്തെ അപമാനിച്ചു എന്നാരോപിച്ച് കേരള ഫിലിം പ്രൊഡ്യൂസേഴ്സ് അസോസിയേഷന് ഭാരവാഹികള്ക്കെതിരെ പരാതിയുമായി വനിതാ ചലച്ചിത്ര നിര്മാതാവ്. എറണാകുളം സെന്ട്രല് പോലീസാണ് വിഷയത്തില് കേസെടുത്തത്. ഹേമ കമ്മിറ്റി റിപ്പോര്ട്ട് വന്നതിന് പിന്നാലെ രൂപീകരിച്ച പ്രത്യേക അന്വേഷണസംഘമാകും കേസ് അന്വേഷിക്കുക.
സിനിമാ മേഖലയില് നിന്നുണ്ടായ തൊഴില് ചൂഷണം, ദുരനുഭവങ്ങള് എന്നിവയുമായി ബന്ധപ്പെട്ട് പ്രൊഡ്യൂസേഴ്സ് അസോസിയേഷന് വനിതാ നിര്മാതാവ് പരാതി നല്കിയിരുന്നു. ഈ പരാതി പരിഗണിക്കുന്നതിന് പകരം വിളിച്ചു വരുത്തി അപമാനിക്കുകയും മാനസികമായി പീഡിപ്പിക്കുകയുമാണ് ചെയ്തതെന്നാണ് പരാതിയില് പറയുന്നത്. ആന്റോ ജോസഫ്, അനില് തോമസ്, ബി രാഗേഷ്, ലിസ്റ്റിന് സ്റ്റീഫന് എന്നിവര് ഉള്പ്പടെയുള്ള 9 അസോസിയേഷന് ഭാരവാഹികള്ക്കെതിരെയാണ് കേസ്.
കേരള സ്പീക്ക്സിനെ പിൻതുടരാനും വാട്സ് അപ്പ് ഗ്രൂപ്പിൽ അംഗമാകാനും ഇവിടെ ക്ലിക്ക് ചെയ്യുക.
Whatsapp Group | Google News |Telegram Group
ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
