മുഖ്യമന്ത്രിയാകാൻ യോഗ്യൻ കെ സി, അത് പക്ഷേ ന്യൂജൻ പാൽ കുപ്പികൾക്ക് അറിയില്ല; ശ്രദ്ധനേടി സന്തോഷ് പണ്ഡിറ്റിന്റെ വിശകലനം: വിശദാംശങ്ങൾ വായിക്കാം

തമിഴ് നാട്ടില്‍ മുഖ്യമന്ത്രി ഉണ്ട്, പക്ഷെ ഭൂരിപക്ഷം തികയ്ക്കുവാൻ സീറ്റ്‌ ഇല്ല. കേരളത്തില്‍ ഇഷ്ടം മാതിരി സീറ്റ്‌ ഉണ്ട്, പക്ഷേ മുഖ്യമന്ത്രി ഇല്ല. ഇതാണല്ലോ ഇപ്പോഴത്തെ അവസ്ഥ.

പുറത്തുവന്ന ഹൈക്കമാണ്ടിന്റെ കൈയ്യിലുള്ള “രഹസ്യ ” രേഖ, ഇപ്പോള്‍ പുറത്തു വന്നത്, ഒറിജിനല്‍ എങ്കില്‍ , അത് പ്രകാരം മൊത്തം ജയിച്ചു വന്ന എംഎല്‍എമാരില്‍ 46 പേര് കെസി വേണുഗോപാല്‍ ജി മുഖ്യമന്ത്രി ആകണമെന്ന് ചിന്തിക്കുന്നു. 8 പേര് രമേശ്‌ ചെന്നിത്തല ജിക്കും, 6 പേര് വിഡി സതീശൻ ജി മുഖ്യൻ ആകുവാനും സപ്പോർട്ട് ചെയ്യുന്നു. കോണ്‍ഗ്രസ്‌ ഒരു ഏകാധിപതി ഭരിക്കുന്ന പാർട്ടി അല്ല. അതിനാലാണ് ഇതുപോലെ ജനാധിപത്യ രീതി അവലംഭിക്കുന്നത്. ജയിച്ച എല്ലാ എംഎല്‍എമാർക്കും പേടി ഇല്ലാതെ അടുത്ത മുഖ്യനെ സെലക്‌ട് ചെയ്യാൻ പറ്റും.

ഇത് കണ്ടു ചിലരൊക്കെ കെസി ജിക്ക് 46 പേരുടെ, ഇത്രയും പിന്തുണ എങ്ങനെ കിട്ടി എന്നു ചോദിക്കുന്നു. അതിനുള്ള ഉത്തരം ന്നാ പിടിച്ചോ.

1) കെസി വേണു ഗോപാല്‍ ജി മുൻ കേന്ദ്ര മന്ത്രി ആണ്.

കോണ്‍ഗ്രസ് പാർട്ടിയുടെ സംഘടനാ ജനറല്‍ സെക്രട്ടറിയെന്ന നിലയില്‍ (AICC General Secretary – Organization) സോണിയാ ഗാന്ധി, രാഹുല്‍ ഗാന്ധി എന്നിവർക്ക് ശേഷം ഇന്ത്യയിലെ തന്നെ കോണ്‍ഗ്രസ്സ് പാർട്ടിയുടെ ഏറ്റവും പ്രധാനപ്പെട്ട നേതാക്കളില്‍ ഒരാളായി അദ്ദേഹം കണക്കാക്കപ്പെടുന്നു..(ഇതൊന്നും ചില ന്യൂ ജെന്‍ പാല്‍കുപ്പികള്‍ക്ക് അറിയണം എന്നില്ല. അദ്ദേഹത്തെ ഇന്ത്യ മുഴുവൻ അറിയും..ഇഷ്ടം മാതിരി പാന്‍ ഇന്ത്യൻ ഫാൻസ്‌ ഉണ്ട്. ഇന്ത്യ മുഴുവൻ അറിയുന്ന കേരളത്തില്‍ വേറെ ഏത് കോണ്‍ഗ്രസ്‌ നേതാവുണ്ട്?,)

2) കെസി അതി ശക്തനായ സംഘാടകൻ ആണ്. കേരളത്തില്‍ മന്ത്രിയായും കേന്ദ്രത്തില്‍ ഊർജ്ജം (Power), സിവില്‍ ഏവിയേഷൻ (Civil Aviation) എന്നീ വകുപ്പുകളില്‍ സഹമന്ത്രിയായും പ്രവർത്തിച്ച പരിചയമുണ്ട്.

3)കെസിക്ക് നല്ല വിദ്യാഭ്യാസം ഉണ്ട്. മാത്തമാറ്റിക്സില്‍ എം.എസ്‌സി (M.Sc.) ബിരുദം നേടിയിട്ടുണ്ട്. അതും മുഖ്യന് വേണ്ട ഒരു യോഗ്യത ആണ്.

4) നിലവില്‍ ആലപ്പുഴയിലെ ജനങ്ങളുടെ കണ്ണിലുണ്ണി ആയ എംപി ആണ്. കേരളത്തില്‍ ഏറ്റവും ഇമേജ് ഉള്ള കോണ്‍ഗ്രസ്‌ എംപി. മനസ്സിലായോ? ആലപ്പുഴ പിടിച്ചെടുത്തത് ആരും മറക്കരുത്.

5) തമിഴ് നാട്ടില്‍ വിജയോടൊപ്പം കോണ്‍ഗ്രസ്സ് എംഎല്‍എമാരെ ചേർക്കുവാൻ പിന്തുണ അപേക്ഷിച്ചു വിജയ് ജി കത്ത് കൊടുത്തത് കെസിക്കാണ്. അല്ലാതെ കേരളത്തിലെ ഏതെങ്കിലും ഒരു നേതാവിനു അല്ല. കാരണം കെസി ജിയുടെ പവർ നടൻ വിജയ് ജിക്കു വരെ അറിയാം എന്നർത്ഥം. കെസി ജി ആണ് കേന്ദ്രത്തില്‍ പ്രധാനം.

6)എംപിമാര്‍ മത്സരിക്കരുത് എന്നു ഹൈക്കമ്മാൻഡ് പറഞ്ഞത് കൊണ്ടാ കെസി ഇത്തവണ മത്സരിക്കാഞ്ഞത്. അല്ലെങ്കില്‍ വമ്പൻ വിജയം നേടിയേനെ..എംഎഎയും ആയേനെ.

7) ഇദേഹതിനു ചാർജ് കൊടുത്ത നിരവധി സംസ്ഥാനങ്ങളില്‍ കോണ്‍ഗ്രസ്സിനെ ഭരണത്തില്‍ തിരിച്ചു കൊണ്ട് വന്നു. കർണാടക, ഹിമാചല്‍ പ്രദേശ് ഒക്കെ eg. കേരളത്തില്‍ വരെ. ഇന്ത്യൻ പൊളിറ്റിക്സില്‍ കഴിവ് തെളിയിച്ച ഇദ്ദേഹം തന്നെയല്ലേ കേരള മുഖ്യമന്ത്രിയാകാൻ ശരിക്കും യോഗ്യൻ? സോഷ്യല്‍ മീഡിയയിലെ വോട്ടെടുപ്പുമായി ആരും ഇനിയും കെസിയ്ക്ക് എതിരെ വരരുത്.