മലയാള സിനിമയിലെ അഭിമുഖങ്ങളിലൂടെയും ഓഫ്-സ്ക്രീൻ തമാശകളിലൂടെയും സോഷ്യല് മീഡിയയില് എപ്പോഴും ചിരി പടർത്തുന്ന താരമാണ് ധ്യാൻ ശ്രീനിവാസൻ. ശ്രീനിവാസന്റെ നർമ്മബോധം അതുപോലെ ലഭിച്ച മകനെന്നാണ് ആരാധകർ ധ്യാനിനെ വിശേഷിപ്പിക്കുന്നത്. ഏറ്റവും സരസമായി, ഇമേജ് ഭയമില്ലാതെ, ‘ബ്രൂട്ടലി ഹോണസ്റ്റ്’ എന്ന് തോന്നിപ്പിക്കുന്ന രീതിയിലാണ് ധ്യാൻ അഭിമുഖങ്ങളില് സംസാരിക്കുന്നത്. ജീവിതത്തില് സംഭവിച്ച അബദ്ധങ്ങള്, മിഥ്യാധാരണകള്, കുരുത്തക്കേടുകള്, വികൃതികള് എന്നിവയൊക്കെ യാതൊരു മടിയുമില്ലാതെ തുറന്നു പറയുന്നു.
ഇപ്പോഴിതാ, നടി നവ്യ നായർക്കൊപ്പമുള്ള ഒരു ഉദ്ഘാടനത്തിനിടെ നവ്യയെ കുറിച്ച് ധ്യാൻ പറഞ്ഞ വാക്കുകളാണ് ശ്രദ്ധ നേടുന്നത്.ധ്യാൻ വർഷങ്ങള്ക്ക് മുൻപ് ഒരു അഭിമുഖത്തില് നവ്യ നായരെ വിവാഹം കഴിക്കാൻ ആഗ്രഹിച്ചിരുന്നു എന്ന് തുറന്നുപറയുന്ന ഒരു പഴയ വീഡിയോ അടുത്തിടെ സോഷ്യല് മീഡിയയില് ട്രെൻഡിംഗായിരുന്നു. ശ്രീനിവാസനും കുടുംബവും ഒന്നിച്ചെത്തിയ ആ പഴയ അഭിമുഖത്തില്, തൻ്റെ ഇഷ്ട നായികമാരെക്കുറിച്ച് ചോദിച്ചപ്പോഴാണ് നിഷ്കളങ്കനായ ധ്യാൻ ഈ ‘ആഗ്രഹം’ പങ്കുവെച്ചത്.അക്കാലത്ത് താൻ കാവ്യ മാധവൻ, മീര ജാസ്മിൻ, നവ്യ നായർ എന്നിവരില് ഒരാളെ വിവാഹം കഴിക്കാൻ ലക്ഷ്യമിട്ടിരുന്നുവെന്നും, എന്നാല് അത് നടന്നില്ലെന്നും ധ്യാൻ വേദിയില് വെളിപ്പെടുത്തി.കൊട്ടാരക്കരയില് നവ്യ നായർക്കൊപ്പം ഒരു ഉദ്ഘാടനത്തിന് എത്തിയപ്പോഴാണ് ധ്യാൻ ഈ പഴയ കഥകള് വീണ്ടും ഓർത്തെടുത്തത്.
