ഇന്ത്യൻ പാസഞ്ചർ വാഹന വിപണിയിലെ ചെറുകാർ വിഭാഗത്തില് മാരുതി സുസുക്കിയാണ് മുൻനിരയിലെന്ന് നിസ്സംശയം പറയാം. ഈ വിഭാഗത്തില് ഏറ്റവും കൂടുതല് വിറ്റഴിക്കപ്പെടുന്ന മോഡലുകളിലൊന്നാണ് ആള്ട്ടോ K10. താങ്ങാനാവുന്ന വിലയാണ് ഇതിന്റെ പ്രധാന ആകർഷണം. ഇപ്പോള്, ജിഎസ്ടി കുറച്ചതോടെ മാരുതി സുസുക്കി ആള്ട്ടോ K10-ൻ്റെ വില വീണ്ടും കുറഞ്ഞിരിക്കുകയാണ്.
അടിസ്ഥാന മോഡലിൻ്റെ വില 4 ലക്ഷം സ്ലാബില് താഴെയായി നിജപ്പെടുത്തിയത് ഉപഭോക്താക്കള്ക്ക് വലിയ ആശ്വാസമാകും. മാരുതിയുടെ അരീന റീട്ടെയില് നെറ്റ്വർക്ക് വഴി വില്ക്കുന്ന എൻട്രി ലെവല് മോഡലാണ് ആള്ട്ടോ K10.ജിഎസ്ടി വിലക്കുറവിന് ശേഷമുള്ള മാരുതി സുസുക്കി ആള്ട്ടോ കെ10 ന്റെ പ്രാരംഭ വില 3.70 ലക്ഷമായി (എക്സ്-ഷോറൂം) കുറഞ്ഞു. 4.23 ലക്ഷം (എക്സ്-ഷോറൂം) ആയിരുന്നു ഇത്. ഹാച്ച്ബാക്കിന്റെ ഉയർന്ന വില 5.45 ലക്ഷം (എക്സ്-ഷോറൂം) ആണ്. മുൻ ജിഎസ്ടി ഭരണകാലത്ത് 6.21 ലക്ഷം ആയിരുന്നു ഇത്.
മാരുതി സുസുക്കി ആള്ട്ടോ കെ10 ഹാച്ച്ബാക്കിന്റെ എഎംടി വകഭേദങ്ങള് മുമ്ബത്തേക്കാള് 86,000 വരെ താങ്ങാനാവുന്ന വിലയായി ഇപ്പോള് മാറിയിരിക്കുന്നു.മാരുതി 800 ന്റെ പാരമ്ബര്യവുമായി വരുന്ന മാരുതി സുസുക്കി ആള്ട്ടോ K10 ന്റെ വിലക്കുറവ്, വകഭേദങ്ങളെ ആശ്രയിച്ച് 53,000 മുതല് 1.08 ലക്ഷം വരെയാണ്. അടിസ്ഥാന വേരിയന്റ് Std (O) യുടെ വില ഇപ്പോള് മുമ്ബത്തേക്കാള് 53,000 കുറവാണ്. LXi (O) CNG വേരിയന്റിന് ലഭ്യമായ പരമാവധി വിലക്കുറവ്, മുമ്ബത്തേക്കാള് 1.08 ലക്ഷം കുറവാണ്. ഈ വേരിയന്റ് ഇപ്പോള് 4.82 ലക്ഷം (എക്സ്-ഷോറൂം) ന് ലഭ്യമാണ്.
