മോഹന്ലാല് നായകനായ ‘ ആറാട്ട്’ എന്ന ചിത്രത്തിന്റെ റിവ്യൂ പറഞ്ഞ് സോഷ്യല് മീഡിയയില് വൈറലായ വ്യക്തിയാണ് സന്തോഷ് വര്ക്കി എന്ന ആറാട്ട് അണ്ണന്. സമൂഹമാധ്യമങ്ങളില് ശ്രദ്ധേയനായ ‘ആറാട്ട് അണ്ണൻ’ താൻ മള്ട്ടിപ്പിള് മൈലോമ (Multiple Myeloma) എന്ന ഗുരുതര രോഗബാധിതനാണെന്ന് വെളിപ്പെടുത്തി. തൻ്റെ പിതാവിനും ഇതേ അസുഖമായിരുന്നെന്നും നിലവില് ഈ രോഗത്തിന് മരുന്നില്ലെന്നും അദ്ദേഹം പറയുന്നു.
തൻ്റെ ജീവിതത്തോടുള്ള നിസ്സംഗതയും, അതേസമയം മറ്റുള്ളവരോടുള്ള സ്നേഹവും വ്യക്തമാക്കുന്നതാണ് സന്തോഷ് വർക്കിയുടെ വാക്കുകള്. “എനിക്ക് ജീവിക്കണം എന്ന് ഒരു ആഗ്രഹവും ഇല്ല. ഓരോ ആളുകള് എന്നെ കളിയാക്കിയപ്പോഴും എൻ്റെ മനസ്സ് വേദനിച്ചിട്ടുണ്ട്. പക്ഷേ ആരോടും വൈരാഗ്യം ഇല്ല,” അദ്ദേഹം പറയുന്നു.
ഡോക്ടർമാർ നല്കിയ വിവരമനുസരിച്ച് ഇനി ഏകദേശം രണ്ട് മാസത്തിലധികം ജീവിച്ചിരിക്കാൻ സാധ്യതയില്ലെന്നും അദ്ദേഹം സൂചിപ്പിക്കുന്നു.വൈകാരികമായ ഈ തുറന്നുപറച്ചിലിനിടയിലും അദ്ദേഹം കുടുംബാംഗങ്ങളെക്കുറിച്ച് ആശ്വാസം കണ്ടെത്തുന്നു. “എൻ്റെ അമ്മയെ പെങ്ങന്മാർ നോക്കിക്കോളും. അവർ ആഗ്രഹിച്ചത് പോലെ എൻ്റെ സ്വത്ത് അവർക്ക് കിട്ടും,” അദ്ദേഹം പറഞ്ഞു.
അവസാനമായി, അദ്ദേഹം എല്ലാവരോടുമുള്ള തൻ്റെ നിലപാട് ആവർത്തിക്കുന്നു: “ആരോടും ദേഷ്യം ഇല്ല. പരിഭവം ഇല്ല. വൈരാഗ്യം ഇല്ല. എല്ലാവരോടും സ്നേഹം മാത്രം.”ജീവിതത്തിലെ ഈ നിർണ്ണായക ഘട്ടത്തിലും മറ്റുള്ളവരോട് സ്നേഹം മാത്രം പങ്കുവെക്കുന്ന സന്തോഷ് വർക്കിയുടെ വാക്കുകള് സാമൂഹിക മാധ്യമങ്ങളില് ചർച്ചയാവുകയാണ്.
