ഗര്ബ പന്തലില്വെച്ച് പരസ്പരം ചുംബിക്കുന്ന ദൃശ്യങ്ങള് വിവാദമായതിന് പിന്നാലെ ദമ്ബതിമാര് ക്ഷമാപണം നടത്തി. ഗുജറാത്തിലെ വഡോദരയില് നടന്ന സംഭവത്തിലാണ് ഓസ്ട്രേലിയയില്നിന്നുള്ള ഇന്ത്യന് വംശജരായ ദമ്ബതിമാര് മാപ്പ് പറഞ്ഞത്. ഇരുവരും വഡോദരയിലെ പോലീസ് സ്റ്റേഷനിലെത്തി രേഖാമൂലം മാപ്പെഴുതി നല്കിയെന്നാണ് റിപ്പോര്ട്ട്.
ഗര്ബ നൃത്തത്തിനെത്തിയ ദമ്ബതിമാര് ചടങ്ങ് നടക്കുന്ന വേദിയില്വെച്ച് പരസ്പരം ചുംബിക്കുന്നതിന്റെ ഒട്ടേറെ രംഗങ്ങള് കഴിഞ്ഞദിവസങ്ങളില് സാമൂഹികമാധ്യമങ്ങളില് പ്രചരിച്ചിരുന്നു. ഈ ദൃശ്യങ്ങള് വിവാദമായതോടെ ദമ്ബതിമാര്ക്കെതിരേ വ്യാപക പ്രതിഷേധമുയര്ന്നു.ദമ്ബതിമാരുടെ പ്രവൃത്തികള് അശ്ലീലമാണെന്നും ഇത് നവരാത്രി ആഘോഷങ്ങളുടെ പവിത്രത നഷ്ടപ്പെടുത്തുന്നതാണെന്നും പലരും വിമര്ശനമുന്നയിച്ചു. ദമ്ബതിമാര്ക്കെതിരേ കര്ശന നടപടി സ്വീകരിക്കണമെന്നും ആവശ്യമുയര്ന്നു.
വീഡിയോ വൈറലായതോടെ ഗര്ബ ചടങ്ങിന്റെ സംഘാടകരും ദമ്ബതിമാര്ക്കെതിരേ നടപടി ആവശ്യപ്പെട്ട് രംഗത്തെത്തി. ഇതിനുപിന്നാലെയാണ് ദമ്ബതിമാര് വഡോദരയിലെ പോലീസ് സ്റ്റേഷനിലെത്തി മാപ്പെഴുതി നല്കിയതെന്നാണ് ദേശീയ മാധ്യമങ്ങളുടെ റിപ്പോര്ട്ട്. ഇതിനുപിന്നാലെ ഇരുവരും ഓസ്ട്രേലിയയിലേക്ക് മടങ്ങിയതായും റിപ്പോര്ട്ടുകളില് പറയുന്നു.നവരാത്രിയുമായി ബന്ധപ്പെട്ട പ്രധാന ആഘോഷങ്ങളിലൊന്നാണ് ഗര്ബ നൃത്തം. പരമ്ബരാഗതരീതിയില് ഡണ്ഡിയ വടികളും കൈയിലേന്തിയുള്ള ഗര്ബ നൃത്തച്ചുവടുകള് ഏറെ ആകര്ഷകമാണ്.
