വാട്സാപ്പ്, ടെലിഗ്രാം, ത്രഡ് തുടങ്ങിയ ജനപ്രിയ മെസേജിങ് ആപ്പുകളെ പിന്നോട്ടു തള്ളി, ഇന്ത്യന് സ്റ്റാര്ട്ടപ്പായ സോഹോ കോര്പ്പറേഷന് വികസിപ്പിച്ച ‘അറട്ടൈ’ ആപ്പ് ഞെട്ടിക്കുന്ന ജനപ്രിയത നേടുകയാണ്.ആപ്പ് സ്റ്റോറുകളില് ഒന്നാമതാണ് അറട്ടൈ.2021-ല് പുറത്തിറങ്ങിയ അറട്ടൈ (തമിഴില് “ചാറ്റ്” എന്നര്ത്ഥം) സ്പൈവെയര് രഹിതമായ മെസഞ്ചര് ആപ്പാണ്. ഇത് ടെക്സ്റ്റ്, വോയിസ് ചാറ്റ്, വ്യക്തിഗത/ഗ്രൂപ്പ് വീഡിയോ-ഓഡിയോ കോളുകള്, മീഡിയ ഷെയറിങ് എന്നിവയ്ക്ക് പിന്തുണ നല്കുന്നു.
ഗ്രൂപ്പ് ചാറ്റുകളും ചാനലുകളും ഉപയോഗിച്ച് സന്ദേശങ്ങള് കൂടുതല് ആളുകളിലേക്ക് എത്തിക്കാം.ഉപയോക്താക്കളുടെ ഡാറ്റ പരസ്യങ്ങള്ക്കോ മറ്റ് ആവശ്യങ്ങള്ക്കോ ഉപയോഗിക്കില്ലെന്ന് സോഹോ കോര്പ്പറേഷന് ഉറപ്പു നല്കുന്നു. സ്മാര്ട്ട്ഫോണുകളിലും, ഡെസ്ക്ടോപ്പിലും, ആന്ഡ്രോയിഡ് ടിവിയിലും ആക്സസ് ചെയ്യാന് കഴിയും, കുറഞ്ഞ ഇന്റര്നെറ്റ് വേഗതയിലും പഴയ സ്മാര്ട്ട്ഫോണുകളിലും കാര്യക്ഷമമായി പ്രവര്ത്തിക്കുന്നു.
പ്രാദേശിക ഡിജിറ്റല് പ്ലാറ്റ്ഫോമായി കേന്ദ്രവിദ്യാഭ്യാസ മന്ത്രി ധര്മേന്ദ്ര പ്രധാന് ശിപാര്ശ ചെയ്തതോടെ അറട്ടൈയ്ക്ക് കൂടുതല് ശ്രദ്ധ ലഭിച്ചു. സാങ്കേതിക വിദഗ്ധര് “ഇന്ത്യയുടെ വാട്സാപ്പ് ഘാതകന്” എന്ന് വിശേഷിപ്പിക്കുന്നു. വാട്സാപ്പിന് നിലവില് ഇന്ത്യയില് 500 ദശലക്ഷത്തിലധികം ഉപയോക്താക്കളുണ്ട്.
