ഓപ്പറേഷൻ നുംഖൂറില് പിടിച്ചെടുത്ത വാഹനം വിട്ടുകിട്ടണമെന്ന് ആവശ്യപ്പെട്ട് നടൻ ദുല്ഖര് സല്മാൻ ഹൈക്കോടതിയില് ഹര്ജി നല്കി. കസ്റ്റംസ് നടപടി ചോദ്യം ചെയ്താണ് ഹര്ജി നല്കിയിരിക്കുന്നത്.എല്ലാ നിയമ നടപടികളും പൂര്ത്തിയാക്കിയാണ് വാഹനം വാങ്ങിയതെന്നും വാഹനം വിട്ടുകിട്ടണമെന്നും ദുല്ഖര് ആവശ്യപ്പെട്ടു.ദുല്ഖര് സല്മാന്റെ നാല് വാഹനങ്ങളാണ് കസ്റ്റംസിന്റെ അന്വേഷണ പരിധിയിലുള്ളത്. ഇതില് രണ്ട് വാഹനങ്ങളാണ് പിടിച്ചെടുത്തിരിക്കുന്നത്. ഇതില് ഒരു വാഹനം മറ്റൊരാളുടെ പേരിലാണ് രജിസ്റ്റര് ചെയ്തിരിക്കുന്നത്.
ചൊവ്വാഴ്ചയാണ് ദുല്ഖര് സല്മാന്റെ പനമ്ബള്ളി നഗറിലെ വീട്ടിലും പൃഥ്വിരാജിന്റെ തേവരയിലെ വീട്ടിലും കസ്റ്റംസിന്റെ പരിശോധന നടന്നത്. പിന്നാലെ ദുല്ഖറിന്റെ രണ്ട് വാഹനങ്ങള് പിടിച്ചെടുക്കുകയായിരുന്നു.പൃഥ്വിരാജിന്റെ വീട്ടില് പരിശോധന നടന്നെങ്കിലും വാഹനം കണ്ടെത്താന് കഴിഞ്ഞില്ല. നടന് അമിത് ചക്കാലയ്ക്കലിന്റെ എളമക്കര പൊറ്റക്കുഴിയിലെ വീട്ടിലും പരിശോധന നടന്നിരുന്നു. അമിതിന് എട്ടോളം വാഹനങ്ങളുണ്ടെന്നാണ് വിവരം. അമിതിനെ കസ്റ്റംസ് ഓഫീസിലേക്ക് വിളിച്ചുവരുത്തി മൊഴിയെടുത്തിരുന്നു.
ഇതിനിടെ ഭൂട്ടാന് വാഹനവിവാദത്തില് നടന് ദുല്ഖര് സല്മാന്റെ ഒരുപ വാഹനം രജിസ്റ്റര് ചെയ്തിരിക്കുന്നത് മറ്റൊരാളുടെ പേരിലെന്നാണ് വിവരം. വാഹനത്തിന് ഫിറ്റ്നസ് ഇല്ലാത്തതിനാല് മോട്ടോര് വാഹന വകുപ്പിന്റെയും നടപടിയുണ്ടാകും. ചോദ്യം ചെയ്യലിന് ഹാജരാകണമെന്ന് ചൂണ്ടിക്കാട്ടി ദുല്ഖര് സല്മാന് കസ്റ്റംസ് സമന്സ് നല്കുമെന്നറിയുന്നു.ദുല്ഖര് സല്മാന്റെ നാല് വാഹനങ്ങളാണ് കസ്റ്റംസിന്റെ അന്വേഷണ പരിധിയിലുള്ളത്. ഇതില് രണ്ട് വാഹനങ്ങളാണ് പിടിച്ചെടുത്തിരിക്കുന്നത്. ഇതില് ഒരു വാഹനമാണ് മറ്റൊരാളുടെ പേരില് രജിസ്റ്റര് ചെയ്തിരിക്കുന്നത്.വാഹനത്തിന്റെ രജിസ്ട്രേഷന് അടക്കമുള്ള എല്ലാ രേഖകളും ഹാജരാക്കണമെന്നാണ് ആവശ്യപ്പെട്ടിരിക്കുന്നത്.
