മലയാള സിനിമയുടെ ബോക്സ്ഓഫീസ് ചരിത്രം തിരുത്തിക്കുറിക്കാൻ ‘ലോക: ചാപ്റ്റർ 1 ചന്ദ്ര’. റിലീസ് ചെയ്ത് 18 ദിവസത്തിനുള്ളില് 247 കോടി രൂപയാണ് ചിത്രം ആഗോള ബോക്സ് ഓഫീസില് നിന്ന് നേടിയത്. ഈ നേട്ടത്തിലൂടെ ‘മഞ്ഞുമ്മല് ബോയ്സ്’, ‘തുടരും’ എന്നീ സൂപ്പർഹിറ്റുകളെ പിന്നിലാക്കി മലയാള സിനിമയിലെ രണ്ടാമത്തെ ഏറ്റവും വലിയ കളക്ഷൻ നേടുന്ന ചിത്രമായി ‘ലോക’ മാറി.
ഓണം റിലീസായി ഓഗസ്റ്റ് 28-ന് തിയറ്ററുകളിലെത്തിയ ചിത്രത്തിന് വലിയ പ്രീ-റിലീസ് പ്രചാരണം ലഭിച്ചിരുന്നില്ല. എന്നാല്, പ്രേക്ഷക പ്രശംസയെത്തുടർന്ന് ചിത്രം ബോക്സ് ഓഫീസ് റെക്കോർഡുകള് തകർത്ത് മുന്നേറുകയായിരുന്നു. ‘മസ്റ്റ് വാച്ച്’, ‘മലയാളത്തിന്റെ ബിഗ് സ്ക്രീനില് ഇതുവരെ കാണാത്ത അനുഭവം’ എന്നിങ്ങനെയുള്ള ആദ്യകാല പ്രേക്ഷകരുടെ അഭിപ്രായങ്ങള് ചിത്രത്തിന് വലിയ പ്രചാരം നേടിക്കൊടുത്തു.
മോഹൻലാല് നായകനായ ‘തുടരും’ 234 കോടിയും ‘മഞ്ഞുമ്മല് ബോയ്സ്’ 242 കോടിയും നേടിയിരുന്നു. എന്നാല്, ‘ലോക’ ഈ ചിത്രങ്ങളെ മറികടന്നാണ് രണ്ടാം സ്ഥാനത്തെത്തിയത്. എക്കാലത്തെയും വലിയ കളക്ഷൻ നേടുന്ന ചിത്രമെന്ന റെക്കോർഡ് നേടാൻ ‘ലോക’യ്ക്ക് ഇനി വേണ്ടത് 18 കോടി രൂപ മാത്രമാണ്. നിലവില് ഒന്നാം സ്ഥാനത്തുള്ള ‘എമ്ബുരാൻ’ (265 കോടി) എന്ന ചിത്രത്തെ മറികടക്കാനായാല് ‘ലോക’ മലയാള സിനിമയുടെ ചരിത്രത്തിലെ ഏറ്റവും വലിയ ഹിറ്റാകും.
ഈ ആഴ്ചയിലെ കളക്ഷനോടുകൂടി ചിത്രം ‘എമ്ബുരാന്’ ശേഷം 250 കോടി ക്ലബ്ബില് എത്തുന്ന രണ്ടാമത്തെ ചിത്രമായി മാറും.ദുല്ഖർ സല്മാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രമാണ് ‘ലോക-ചാപ്റ്റർ വണ്: ചന്ദ്ര’. കല്യാണി പ്രിയദർശൻ, നസ്ലൻ എന്നിവരാണ് ചിത്രത്തിലെ പ്രധാന വേഷങ്ങളില് എത്തുന്നത്. വമ്ബൻ ബജറ്റില് ഒരുക്കിയിരിക്കുന്ന ചിത്രത്തിന്റെ തിരക്കഥയും സംവിധാനവും നിർവഹിച്ചിരിക്കുന്നത് സംവിധായകൻ തന്നെയാണ്. മലയാള പ്രേക്ഷകർ ഇതുവരെ കാണാത്ത ഒരു ഫാന്റസി ലോകമാണ് ചിത്രത്തിലൂടെ അവതരിപ്പിക്കുന്നത്. യു.എ. സർട്ടിഫിക്കറ്റോടെയാണ് ചിത്രം പ്രദർശനത്തിനെത്തിയത്.
