ജനകീയ വിഷയങ്ങളില് ഇടപെടാനായി കേന്ദ്രമന്ത്രി സുരേഷ് ഗോപിയുടെ നേതൃത്വത്തില് നടന്ന ‘കലുങ്ക് സൗഹാര്ദ വികസന സംവാദ’ ത്തില് പരാതി വാങ്ങാതെ എം.പി.തൃശൂര് ജില്ലയിലെ പുള്ള്, ചെമ്മാപ്പിള്ളി മേഖലകളിലാണ് കഴിഞ്ഞ ദിവസം സുരേഷ് ഗോപിയുടെ നേതൃത്വത്തില് നടന്ന ‘കലുങ്ക് സൗഹാര്ദ വികസന സംവാദം’ നടന്നത്.
തദ്ദേശ തെരഞ്ഞെടുപ്പിന് മുന്നോടിയായാണ് സംവാദം സംഘടിപ്പിച്ചത്. ഈ സംവാദം നടക്കുമ്ബോഴാണ് ഒരു വയോധികന് കവറില് അപേക്ഷയുമായി വന്നത്. കവര് സുരേഷ് ഗോപിക്ക് നീട്ടിയപ്പോള്, ”ഇതൊന്നും എം.പിക്കല്ല, പോയി പഞ്ചായത്തില് പറയൂ- എന്നായിരുന്നു സുരേഷ് ഗോപി പറഞ്ഞത്. ബിജെപി ഭരിക്കുന്ന പഞ്ചായത്തില് മാത്രമാണോ എംപി ഫണ്ട് എന്ന് ചോദിക്കുമ്ബോള് അതെ പറ്റുന്നുള്ളു ചേട്ടാ എന്ന് എംപി പറയുന്നതും കേള്ക്കാം.
സംവാദം നടക്കുന്ന ആല്ത്തറയില് സുരേഷ് ഗോപിയുടെ അടുത്ത് ഇരിക്കുന്ന ആളിന്റെ കൈയിലും ഒരു കവര് ഉണ്ടായിരുന്നു. ഇത് കേട്ടതോടെ ആള് കവര് പിന്നില് ഒളിപ്പിച്ചു. ഇതിന്റെ വിഡിയോ ഇപ്പോള് സോഷ്യല് മീഡിയകളില് വ്യാപകമായി പ്രചരിക്കുന്നുണ്ട്. കവറില് എന്താണ് എന്ന് നോക്കാമായിരുന്നു എന്നാണ് വ്യാപക അഭിപ്രായം. പ്രായത്തെ എങ്കിലും മാനിക്കാമായിരുന്നു എന്നും ചിലര് പറയുന്നുണ്ട്.
സുരേഷ് ഗോപി പബ്ലിക്ക് സ്റ്റണ്ട് നടത്തുകയാണെന്നും സിനിമാ നടനില്നിന്ന് പുറത്തിറങ്ങിയിട്ടില്ലെന്നും ഇടത് സൈബര് ഗ്രൂപ്പുകളില് വിമര്ശനം ഉയരുന്നു. പുള്ളിലും ചെമ്മാപ്പിള്ളിയില് നടന്ന സൗഹൃദ സംവാദ സദസില് കേന്ദ്രമന്ത്രി സുരേഷ് ഗോപിക്കൊപ്പം നടന് ദേവന്, സംവിധായകന് സത്യന് അന്തിക്കാട് എന്നിവര് പങ്കെടുത്തിരുന്നു്
