‘ഇതാണ് കാനഡയിലെ യാഥാര്‍ത്ഥ്യം, ഇതിന് തയ്യാറാണെങ്കില്‍ വരാം, അല്ലെങ്കില്‍ ഇന്ത്യ തന്നെ നല്ലത്’: ഇന്ത്യൻ യുവതി പങ്കുവെച്ച വൈറൽ വീഡിയോ കാണാം

അതിലെ നീണ്ട ക്യൂ ആണ് അവള്‍ വീഡിയോയില്‍ കാണിക്കുന്നത്. ഇന്റേണ്‍ഷിപ്പ് ലെവലിലുള്ള ഒരു ജോലിയാണ് ഇത് എന്നും യുവതി പറയുന്നു. അത് മാത്രമല്ല, ആകെ അഞ്ചോ ആറോ പേരെ മാത്രമാണ് അവർ ജോലിക്ക് എടുക്കുന്നത്. എന്നാല്‍, ഇത്രപേരെയേ ജോലിക്ക് വേണ്ടതുള്ളൂ എങ്കിലും നിരവധിക്കണക്കിന് പേരാണ് അവിടെ നീണ്ട ക്യൂവില്‍ അവസരം കാത്ത് നില്‍ക്കുന്നത് എന്ന് വീഡിയോയില്‍ നിന്നും മനസിലാവും. ‘ഇതാണ് കാനഡയിലെ യാഥാർത്ഥ്യം. ഇതിന് നിങ്ങള്‍ തയ്യാറാണെങ്കില്‍ നിങ്ങള്‍ക്ക് ഇങ്ങോട്ട് വരാം. അല്ലെങ്കില്‍ ഇന്ത്യ തന്നെയാണ് നല്ലത്’ എന്നും യുവതി പറയുന്നു.

‘വിദേശ ജീവിതം എല്ലായ്‌പ്പോഴും ഒരു സ്വപ്നം മാത്രമല്ല, ചിലപ്പോള്‍ അത് വെറും… നീണ്ട ക്യൂ ആയിരിക്കും’ എന്നും യുവതി പറയുന്നു. നിരവധിപ്പേരാണ് യുവതിയുടെ വീഡിയോയ്ക്ക് കമന്റുകളുമായി എത്തിയത്. ‘പലരും അവിടെ നിന്നുള്ള ഇത്തരം യാഥാർത്ഥ്യങ്ങള്‍ പങ്കുവയ്ക്കാൻ തയ്യാറാവാറില്ല. അത് പങ്കുവച്ചതിന് നന്ദി’ എന്ന് പലരും അഭിപ്രായപ്പെട്ടു.