യാത്രക്കാരുമായി ഉണ്ടായ വാക്ക് തർക്കത്തിന് ഇടയില് തോക്ക് ചൂണ്ടി യൂബർ ഡ്രൈവർ.അമേരിക്കയിലെ ഫ്ലോറിഡയിലാണ് സംഭവം. മിയാമി റാപ്പർ ക്രിസ്സി സെലെസ് ആണ് ഒരു സുഹൃത്തിനോടൊപ്പം യാത്ര ചെയ്യുന്നതിനിടയില് തനിക്കുണ്ടായ അനുഭവത്തിന്റെ വീഡിയോ സോഷ്യല് മീഡിയയില് പങ്കുവെച്ചത്.
വീഡിയോയില് ക്രിസ്സിയും സുഹൃത്തും പോകേണ്ട സ്ഥലത്തേക്കുള്ള വഴിയേ ചൊല്ലി യൂബർ ഡ്രൈവറുമായി തർക്കത്തില് ഏർപ്പെടുന്നത് വീഡിയോയില് കാണാം.ഒരു വനിതാ ഡ്രൈവർ ആയിരുന്നു ടാക്സി ഓടിച്ചിരുന്നത്. തർക്കം കൂടുതല് വഷളായതോടെ ഡ്രൈവർ കോപാകുലയായി അവരോട് വാഹനത്തില് നിന്ന് ഇറങ്ങാൻ ആവശ്യപ്പെടുന്നു. എന്നാല്, വാഹനത്തില് നിന്നും ഇറങ്ങാൻ തയ്യാറാകാതിരുന്ന ക്രിസ്റ്റിയും സുഹൃത്തും ഡ്രൈവറുടെ പെരുമാറ്റം മോശമാണെന്ന് അഭിപ്രായപ്പെടുന്നു.ഇതോടെ കൂടുതല് രോഷാകുലയായ ഡ്രൈവർ വാഹനത്തില് ഒളിപ്പിച്ചു വച്ചിരുന്ന തോക്ക് അവർക്ക് നേരെ ചൂണ്ടി വാഹനത്തില് നിന്ന് ഇറങ്ങിപ്പോകാൻ ആക്രോശിക്കുന്നു.
ഇതോടെ ഭയന്നുപോയ ക്രിസ്റ്റിയും സുഹൃത്തും വാഹനത്തില് നിന്നും ഇറങ്ങുന്നു. പെട്ടെന്ന് തന്നെ വളരെ വേഗത്തില് കാർ എടുത്ത് ഡ്രൈവർ പോവുകയും ചെയ്യുന്നു.വീഡിയോ സോഷ്യല് മീഡിയയില് വൈറല് ആയതോടെ നിരവധി ആളുകളാണ് ഡ്രൈവർക്കെതിരെ നിയമനടപടികള് എടുക്കണമെന്ന് അഭിപ്രായപ്പെട്ടത്. വീഡിയോ ദൃശ്യങ്ങൾ ചുവടെ കാണാം
an @uber driver just pulled a gun out on us 😳 HELP US GET HER OFF THE STREETS BEFORE SHE POTENTIALLY HARMS ANOTHER PASSENGER pic.twitter.com/ezzRPUkAEH
— bomb ass (@KrissyCeless1) May 13, 2025
